Скачать или смотреть Carnaval mit dich belaeve - sjlager Nuujsjtadt 2024

Tekst en muziek: Gerald Ahn
Zang: Peggy Wielders
Muzikale ondersteuning: Wil Rijs

Videoclip: Patrick Wielders met assistentie van: Raymond en Karianne Schlössels-Albers

Mit dank aan:
’T Sjpoarhutje Nuujsjtadt, Victor en Miriam Hennen, prinsenparen en adjudanten CV de Foetelaers 2024 en alle feestvierders in de sjtal van Victor en Miriam

Couplet 1
Ich zit hie gans allein,
de sjnee dea is al lang gesjmolte.
Boete is ut kauwt,
mer ich zeen ut graas al gruiner waere.
Wachtend op de tied,
det veer os in ut fees gaon sjtorte.
Wachtend op de tied,
de tied van carnaval.

Refrein
Carnaval mit dich belaeve,
det is wat ich wil.
Same mit mien vrunj geneite,
ut kos neit sjooner zeen.
De tied is effe neit belangriek,
de wiezers sjtaon sjtief sjtil.
Vasteloavend vrundj van mich,
doe wits wat ich wil.
Same viere mit dich, mit sjmienk op ut gezich.

Couplet 2
Ut fees is aan de gang,
same viere veer ut leave.
Veer zjweve allemaol,
euver daake van gezelligheid.
En de kleure van ut dörp,
vorme same eine raengeboag.
Doa danse weer doorhear,
en venje zo oos goud.

Couplet 3
Aan alles kump un enj,
de dansvloer is mit zeip geweschje.
De pekskes in de kas,
en de confetti netjes opgekeard.
Ut is alweier veurbie,
mer veer zeen alweier op weag noa
mörge.
Op weag nao volgend jaor,
op weag nao carnaval.

Carnaval mit dich beleave,
det is wat ich wil.
Same mit mien vrunj geneite,
ut kos neit sjooner zeen.
De tied is effe neit belangriek,
de wiezers sjtaon sjtief sjtil.
Vasteloavend vrundj van mich,
doe wits waat ich wil.

Carnaval mit dich beleave,
det is wat ich wil.
Same mit mien vrunj geneite,
ut kos neit sjooner zeen.
De tied is effe neit belangriek,
de wiezers sjtaon sjtief sjtil.
Vasteloavend vrundj van mich,
doe wits wat ich wil.
Same viere mit dich, mit sjmienk op ut gezich.