شيلة بن جرشان يلعب قاف مع مستور 2021 | لا تستغرب لاشفت لك بقمي فالوطن مغرور | جفران هضبان | حصرياً

إشترك في قناة سهم البقوم الرسمية ..
   / @-sahamalbgoom7082  
.
.
Snapchat :   / bogami.911  
Twittwr :   / saham_9ii  
Instagram : 911_albogami
قناتنا على التلجرام /
https://t.me/bj8ij
سهم البقوم - (حصرياً) | ٢٠٢١
Saham albgoom - (Exclusive) 2021
.
.
تنبيه: نسخ أو تحميل المحتوى وإنتهاك الحقوق يعرض حسابك وقناتك للإغلاق ..

.

كلمات الشاعر : نايف بن راجح
اداء المنشد : جفران بن هضبان
تصميم : سهم البقوم

الابيات :
ظلام الليل ينقل من يعيشه للشعر مخفور
يبى ضلعن ما يعرف للظروف الأحترازيه

عليه أشوف أبن جرشان يلعب قاف مع مستور
يروح الليل من بين الثنين ونارهم حيه

أمرّه كل ما شفت الزمن يقرب من المحضور
وأعافه لا حصل منه السعادة والأريحية

يذكرني شموخه طاري أبو جعفر المنصور
وتذكرني هبوبه مجد توحيد السعودية

أنا شاعر ما أدوّر للعطاء وأبحث عن الجمهور
أنا أسعى طول عمري كيف أموت وسيرتي حيه

لا جادوا بالكلام نقول وش حصّل منه نقفور
بعد جاه الصباح وزاح قلبه عن كراسيّه

وصلت وحفل عبدالله كبير ومنبره مشكور
يسافر بي عُظم مجده برحلة مجد شعرية

قصيدي عارفه ما يطلع ألا فـ أبلج منعور
يدك ظروف وقت اللي ظروفه راس قديه

شجيعن كل ما جاء للمواقف والمفاخر دور
تحصّل موقعه قدم الصفوف الأنتحاريه

تراحيبه على ظهور الحشو نبذه عن الميسور
يجسّد للكرم صورة بصورته الحقيقه

هذا عبدالله أبن صوال راع المجلس المعمور
يورّث طيبه عياله ويطلع في بناخيه

ولدك اللي تشوفه ماخذن منك السعد والنور
وراسً لو تورده الجبل راح الجبل فيّه

يمينه تفزع وهيبة يمينه كنّها الساطور
وخلايا مخه تضخ الشجاعه والبطولية

يا متعب تعّبوك اللي نباهم فالوطن مشهور
يسولف به معزّي للملوك وللكباريه

مشاهير الزمن هذا سناب ومشلح وديكور
وجدّك شهرته من ضرب سيف وحد جنبيه

رسم للمجد منهج والمعارك خطة ودستور
وكيفية تعامل بالسلاح وفرض حريه

مناويخه على روس المصايب دّمها منثور
ليا منّه هبد له قوم راحوا صيد بريه

من يحاول يجابه قوّته يفقد شعاع النور
يسوي له من الدنيا وأهلها نقل ملكيه

على خيالة الشرفا مباهير الدلال تدور
ومجدن موقع أعرابه يعيش بـ ذات أهميه

هذولا روس فريس القبايل والبراء المنشور
يشوفون الحياة بكبرها فنجال بريه

ورى مركاضهم حتى جلاميد الصخور تفور
وحربً من نتايجها تروح الأرض مرثيه

عزاويهم مع البيداء ترد ألبل على المقهور
ما تدري ذي عزاوي صدق ولا هزّه أرضيه

عيال الناس تطلع للحياة وحلمها دكتور
وولدهم لا طلع تلقى طموحه يبجد الهيّه

لا تستغرب لا شفت ألك بقمين فالوطن مغرور
شموخه يفرض يعيش بمكانة عز فوقيه

ولدنا في علوم المرجلة والمعرفة دافور
قبل حتى يسجل فالصفوف الأبتدائية

يجي عزمه على فعل الجمايل يجتلد ويدور
وتجي يمناه تطغى في صفتها الأنتهازية

يجينا الخصم مشتال الكبر والمحزم الممرور
ويطلع وهو يحتاج لعيادة طب نفسيه

لنا ماضي نفاخر به وحاضر فالبشر مشهور
بدون أزعاج إذا ما عندكم يا أصحابنا زيه