Скачать или смотреть Vishnu Sahasranamam | વિષ્ણુ સહસ્રનામ | Shri Yogeshwarji

Vishnu Sahastranam lyrics along with its Gujarati translation by Shri Yogeshwarji
સનાતની હિન્દુઓ જેને અતિ પવિત્ર માને છે અને વૈષ્ણવોને ખુબ પ્રિય એવા વિષ્ણુ સહસ્ત્રનામમાં ભગવાન વિષ્ણુના એક હજાર નામો વર્ણવવામાં આવ્યા છે. ભગવદ્ ગીતાની જેમ વિષ્ણુ સહસ્ત્રનામ પણ મહાભારતના ભાગરૂપ છે, જેની રચના મહર્ષિ વ્યાસ દ્વારા થયેલી છે. મહાભારતના અનુશાસન પર્વ, ૧૪૯ મા પ્રકરણના ૧૪ થી ૧૨૦ શ્લોકોની વચ્ચે વિષ્ણુ સહસ્ત્રનામના આ શ્લોકો આવેલા છે.
વિષ્ણુ સહસ્ત્રનામની રચનાનો ઇતિહાસ જાણવા જેવો છે. કુરુક્ષેત્રના યુદ્ધની સમાપ્તિ બાદ પિતામહ ભીષ્મ બાણશૈયા પર સૂતા પોતાના દેહત્યાગની પ્રતીક્ષા કરતા હતા. પિતામહ ભીષ્મના મૃત્યુ સાથે એક મહાન યુગનો અંત થવાનો હતો. ભગવાન કૃષ્ણ ઈચ્છતા હતા કે પિતામહના જીવન પર કાયમી પડદો પડે અને એમની સાથે જ એમણે મેળવેલ અનુભવજ્ઞાનનો અંત આવે એ પહેલા યુધિષ્ઠિર એમની પાસેથી એનું રહસ્યજ્ઞાન મેળવી લે. એથી મહર્ષિ વ્યાસ અને ભગવાન કૃષ્ણની હાજરીમાં પિતામહ ભીષ્મ અને યુધિષ્ઠિર વચ્ચે સંવાદ થયો. જેમાં યુધિષ્ઠિરે પિતામહને પ્રશ્ન પૂછ્યા કે
૧. બધા દેવોમાં પરમ દેવ કોણ?
૨. કોણ પરમ ધામ છે?
૩. તમારા મતે બધા ધર્મોમાં શ્રેષ્ઠ ધર્મ કયો ?
૪. કોને ભજવાથી જન્મમરણના બંધનમાંથી જીવ મુક્ત થઇ શકે?
આ પ્રશ્નોના ઉત્તરમાં ભીષ્મ કહે છે કે જે સર્વવ્યાપી, સર્વ લોકના સ્વામી, પરમ પ્રકાશ, સૃષ્ટિના સાર છે અને જેઓ સૃષ્ટિના સર્વ પદાર્થોમાં વસે છે તથા જેમનામાં જડ અને ચેતન - બધા જ પદાર્થો વસે છે એવા ભગવાન વિષ્ણુના હજાર નામોનું રટણ કરવાથી માનવજાત બધા જ દુ:ખોમાંથી મુક્ત થશે.
મૂળ સંસ્કૃત અને અનુષ્ટુપ છંદમાં રચાયેલ આ અદભુત સ્તોત્રને ગુજરાતના સુપ્રસિદ્ધ સંત સાહિત્યકાર શ્રી યોગેશ્વરજીએ પોતાના એકાંતિક હિમાલયવાસ દરમ્યાન ૧૯૫૨ માં અનુવાદિત કર્યું હતું. ત્યારબાદ એની ગ્રંથરૂપે અનેક આવૃત્તિઓ પ્રસિદ્ધ થઈ. તાજેતરમાં જાણીતા ગાયક કલાકાર અમન લેખડિયા, દિપાલી સોમૈયા અને ગાર્ગી વોરા દ્વારા તેને સ્વરબદ્ધ કરવામાં આવ્યું. નિત્ય પાઠ કરવામાં સરળતા રહે એથી એને વિડીયોના માધ્યમ દ્વારા રૂપાંતરિત કરીને જનહિતાર્થે મુકવામાં આવ્યું છે. આશા છે એ સૌને ઉપયોગી ઠરશે.
*
Download Vishnu Sahasranam (PDF)
https://swargarohan.org/download?cati...
*
શ્રી વિષ્ણુસહસ્ત્રનામ સ્તોત્ર
ગુજરાતી પદ્યાનુવાદ - શ્રી યોગેશ્વરજી
પ્રસ્તુતિ - સ્વર્ગારોહણ (https://swargarohan.org)
સ્વર - દિપાલી સોમૈયા, અમન લેખડિયા અને ગાર્ગી વોરા
સંગીત - દર્શન ઝવેરી
કોરસ - શોભા સામંત અને વૃંદ
રિધમ - વિહુલ જાગીરદાર
સિતાર - ભગીરથ ભટ્ટ
ફ્લુટ - સંદીપ કુલકર્ણી
તબલા - શિરીષ ક્ષીરસાગર (નંદુભાઇ)
પખવાજ - જીગર જમારિયા
કિ બોર્ડ - દર્શન ઝવેરી
રેકોર્ડિંગ - સ્વરમ રેકોર્ડિંગ સ્ટુડિયો, સુરત. (મિકુલ શાહ)
©2020 Swargarohan. All rights reserved.
*
#vishnusahasranamam #વિષ્ણુસહસ્ત્રનામ #विष्णुसहस्रनाम