شيلة زواج محمد بن ناصر الصليبيخ البرازي السهلي - شبل الدواسر ( حصرياً ) 2023

لـ طلب التصميم :
الحسابات الرسمية لـ فهد البرازي .

‏Official Whatsapp :

‏https://iwtsp.com/966594303352



.
الشعر جاله دور والماقف يبا مني جواب
وانا ليا جا دور شعري جبتلي قافن سمين
شاعر حضوري فالمحاضر مايعد امن الغياب
اداحم الشعار فالميقاف بالجمب المتين
وابو محمد واجبه ماعنه صده واجتناب
وبواجب الاصحاب انا ماني من قصار اليدين
مااصد عنه ولااتعذّر عنه كان الراس طاب
العذر من دون الرجال اهل الوفا ماهو بزين
اجي واباركله واشارك مع عزيزين الجناب
فالمحفل اللي جامعن ذخر الرجال الغانمين
محفل زواج الصيرميّ امطوعن روس الصعاب
الي فعوله حزة الافعال والماقف تبين
محمد محمد زبون الكايده ذيب الذياب
مزبان من جارت عليه الجايره في كل حين
حرن تعلى ماكر التقدير في سن الشباب
بالمرجله والطيب والاخلاق والعقل الرزين
ربي جعل من بينه وبين الردى مثل الحجاب
مال الردى دربن عليه ودونه الحصن الحصين
جده وابوه الي على الطاله يحثون الركاب
اهل الكرم والطيب والنوماس والصيت الثمين
ابوه ناصر محزم الاقصين وحزام القراب
راعي هلا وابشر وتم وفي لزومك حاضرين
وجده محمد نصرة المظلوم فكاك النشاب
عون الرفيق الي على الشده يدورله عوين
الله يبيحه ويغفر ذنبه ويجزاه الثواب
يالله عسا مثوا محمد في جنان الصالحين
لكن من عقب رجالن له مع الاحياء حساب
ومحمد الله يرحمه عقب رجالن طيبين
اعيال ابو ناصر مقر الجود دمثين الجناب
ماجنبو عن درب ابوهم لايسار ولايمين
وذوي صليبيخ المكارم عندهم ماهي غراب
الطيب فيهم وارثينه من عصور الاولين
ترثة برازات السهول اهل القنا واهل الحراب
حماية التالي هل الرده ملاذ الخايفين
لابت مفاخر مجدها شامخ على روس الهظاب
صيت وفخر عز وسطر يعرف على مر السنين
تاريخها نجمن سطع تاريخها ماهو سراب
مجدن رقا على النقا والفعل خير الشاهدين
عاداتها تضرب على الكايد وتسطي ماتهاب
حتى لو ان الوقت يقسى ماتكف ولاتلين
وان ثور الدخان فالميدان ماتحسب حساب
العز والنوماس بالسيف الحدب والمارتين
اسهول لامن جا النهار الي مثل لون الغراب
من فعلهم هذا قتيل وذا صويب وذا رهين
وقتن مضا يومنها بالسيف قصاف الرقاب
يومن دورات المعارك دون جرعات الحنين
قلته وانا ربعي مطير اللي لهم بطش وعذاب
روسن تروس ولا تخضع الا لرب العالمين
اليا دعاهم داعين للموت بالصمله يجاب
واليا زهمهم من يبا الفزعه م يزهم مرتين