Скачать или смотреть SIMULIZI YA DEREVA JUMA MAGANGA - IMEBAKI MILIONI 20 KUOKOWA MAISHA YANGU

JUBA, SUDAN KUSINI – Dereva Mtanzania, Juma Ally Maganga (45), anashikiliwa katika gereza la Juba nchini Sudan Kusini tangu tarehe 14 Februari 2025, kwa tuhuma za kusababisha ajali ya gari iliyosababisha kifo cha mwanajeshi wa Sudan.

Kupitia mawasiliano ya moja kwa moja na CHAWAMATA TV, Maganga amekiri kuwa alihusika katika ajali hiyo iliyogharimu maisha ya mwanajeshi huyo. Katika mahojiano kutoka gerezani, Juma alisema:

“Ni kweli tulimgonga mwanajeshi wa Sudan na kwa bahati mbaya alifariki dunia. Haikuwa kwa makusudi, ilikuwa ni ajali.”

Aidha, Juma ameeleza kuwa baada ya tukio hilo alipigwa vikali na majeraha aliyopata yalisababisha yeye kushonwa nyuzi saba kichwani. Ametoa wito wa kupatiwa huduma za kisheria na kibinadamu akiwa bado mahabusu.

“Nilipigwa sana, lakini sasa nimepelekwa hospitali na kushonwa nyuzi saba. Naomba msaada wa Serikali ya Tanzania,” alisema.

Kwa upande mwingine, msaidizi wake aliyekuwa naye katika safari hiyo, ambaye pia ni mtoto wake, Hassan Juma Maganga, aliachiwa huru na kwa sasa anahangaika kupata msaada wa chakula kwa ajili ya baba yake kutoka kwa madereva wa Kitanzania waliopo Juba.