Mirziyoyev klasterlari: “Cho‘kayotgan klaster fermerni ham o‘zi bilan torttib ketmoqda”

Ўзбекистонда президент Мирзиёев ташаббуси билан ташкил этилган кластерлар бирин-кетин банкрот бўлишда давом этяпти.
Улар шунчаки ўз танасига банкрот бўлмаяпти, балки юзлаб фермерни ҳам ўзи билан бирга жарга тортиб кетмоқда. Фермерлардан сотиб олган пахта ва ғалла пулини йиллардан буён тўлолмаяпти.
2024 йилнинг 22 июль куни “Пахтачилик соҳаси корхоналарининг иқтисодий-молиявий ҳолатини яхшилашга оид чора-тадбирлар тўғрисида”ги Президент Фармони имзоланди.
Фармонга кўра, пахта-тўқимачилик кластерларини молиявий соғломлаштиришга қаратилган чоралар белгиланди.
Бу чораларга кўра, кластер кредитининг фоиз тўловлари Қишлоқ хўжалигини давлат томонидан қўллаб-қувватлаш жамғармаси томонидан тўлаб берилади.
Аммо кластерларнинг фермерлар олдидаги қарзини ким тўлайди?
Уч йиллаб топширган пахтаси ва буғдойининг пулини ололмаган фермерни ким ўйлайди?
Чўнтагида ҳемири ҳам қолмаган, техникаю молини сотиб, ишчиларининг хизмат ҳақини фақат буғдой ва сомон билан бериб зўрға кун кўраётган фермернинг ҳақдорлигини ундириш ҳақида судлар чиқарган юзлаб қарорни ким ижро қилдириб беради?
Расмий маълумотга кўра қарийб ўттизта, норасмий маълумотларга кўра бундан ҳам анча кўп қарздор кластерлар билан шартнома тузган, лекин икки-уч йилдан буён ҳақини ололмаган фермерлар эса минглаб.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

O‘zbekistonda prezident Mirziyoyev tashabbusi bilan tashkil etilgan klasterlar birin-ketin bankrot bo‘lishda davom etyapti.
Ular shunchaki o‘z tanasiga bankrot bo‘lmayapti, balki yuzlab fermerni ham o‘zi bilan birga jarga tortib ketmoqda. Fermerlardan sotib olgan paxta va g‘alla pulini yillardan buyon to‘lolmayapti.
2024 yilning 22 iyul kuni “Paxtachilik sohasi korxonalarining iqtisodiy-moliyaviy holatini yaxshilashga oid chora-tadbirlar to‘g‘risida”gi Prezident Farmoni imzolandi.
Farmonga ko‘ra, paxta-to‘qimachilik klasterlarini moliyaviy sog‘lomlashtirishga qaratilgan choralar belgilandi.
Bu choralarga ko‘ra, klaster kreditining foiz to‘lovlari Qishloq xo‘jaligini davlat tomonidan qo‘llab-quvvatlash jamg‘armasi tomonidan to‘lab beriladi.
Ammo klasterlarning fermerlar oldidagi qarzini kim to‘laydi?
Uch yillab topshirgan paxtasi va bug‘doyining pulini ololmagan fermerni kim o‘ylaydi?
Cho‘ntagida hemiri ham qolmagan, texnikayu molini sotib, ishchilarining xizmat haqini faqat bug‘doy va somon bilan berib zo‘rg‘a kun ko‘rayotgan fermerning haqdorligini undirish haqida sudlar chiqargan yuzlab qarorni kim ijro qildirib beradi?
Rasmiy ma’lumotga ko‘ra qariyb o‘ttizta, norasmiy ma’lumotlarga ko‘ra bundan ham ancha ko‘p qarzdor klasterlar bilan shartnoma tuzgan, lekin ikki-uch yildan buyon haqini ololmagan fermerlar esa minglab.

#ozodlik #uzbekistan #tashkent #yangiliklar #fermer #tadbirkor #klaster #mirziyoyev #shavkatmirziyoyev #qarz