Скачать или смотреть ADC Charsadda Miss Reena along with AAC Shabqadar Zulfiqar Khan visited iftar DASTARKHOWAN SHABQADAR

شبقدر: آج 9 نوا روزہ ہے اور الخدمت فاؤنڈیشن افطار دسترخوان میں مسافروں کے لیے پارسل کی تیاری جاری ہے ایڈیشنل ڈپٹی کمشنر چارسدہ مس رینہ نے اسسٹنٹ کمنشر شبقدر زلفقار خان کے ہمراہ رمضان المبارک کے سلسلے میں الخدمت فاؤنڈیشن کے زیر اہتمام شبقدر میں قائم افطار دسترخوان کا دورہ کیا، جہاں انہوں نے غریبوں، مسکینوں، مزدوروں اور مستحق روزہ داروں کے ساتھ بیٹھ کر اجتماعی طور پر روزہ افطار کیا۔
دورے کے موقع پر ایڈیشنل ڈپٹی کمشنر مس رینہ نے افطار دسترخوان کے انتظامات، صفائی، کھانے کی تیاری اور تقسیم کے عمل کا تفصیلی جائزہ لیا اور رضاکاروں کی کارکردگی کو سراہا۔ انہوں نے کہا کہ رمضان المبارک صبر، ایثار اور خدمتِ خلق کا مہینہ ہے اور مستحق افراد کے ساتھ افطار کرنا معاشرتی ذمہ داری کا بہترین مظہر ہے۔
انہوں نے مستحق روزہ داروں سے فرداً فرداً ملاقات کی، ان کے مسائل سنے اور ان کے ساتھ ہمدردی کا اظہار کیا۔ اس موقع پر انہوں نے کہا کہ ضلعی انتظامیہ فلاحی سرگرمیوں کی حوصلہ افزائی کرتی ہے اور ایسے اقدامات معاشرے کے کمزور طبقات کے لیے امید کی کرن ثابت ہوتے ہیں۔
اس موقع پر الخدمت فاؤنڈیشن کے ذمہ داران تجلی نورآحمدزئی اسرار خان او دیگر نے ایڈیشنل ڈپٹی کمشنر کو بریفنگ دیتے ہوئے بتایا کہ رمضان المبارک کے دوران روزانہ کی بنیاد پر افطار دسترخوان کا اہتمام کیا جا رہا ہے جہاں سینکڑوں مستحق افراد، مسافر، یتیم اور نادار روزہ داروں کو باعزت طریقے سے مفت افطار فراہم کی جاتی ہے۔ رضاکاروں کی ٹیم باقاعدہ نظم و ضبط کے ساتھ کھانے کی تیاری، پیکنگ اور تقسیم کے فرائض سرانجام دیتی ہے۔
ایڈیشنل ڈپٹی کمشنر مس رینہ نے فلاحی تنظیم کی خدمات کو قابلِ تحسین قرار دیتے ہوئے کہا کہ دکھی انسانیت کی خدمت ایک عظیم کارِ خیر ہے اور معاشرے کے صاحبِ حیثیت افراد کو چاہیے کہ وہ رمضان المبارک میں مستحق افراد کی مدد کے لیے آگے بڑھیں۔
آخر میں انہوں نے انتظامیہ اور رضاکاروں کی کاوشوں کو سراہا اور اس عزم کا اظہار کیا کہ ضلعی سطح پر فلاحی سرگرمیوں کو مزید فروغ دینے کے لیے ہر ممکن تعاون جاری رکھا جائے گا تاکہ زیادہ سے زیادہ مستحق افراد مستفید ہو سکیں۔