ลมส่าคนหลายใจ (เพลงประกอบละคร ผู้บ่าวอินดี้ ยาหยีอินเตอร์) - ข้าวทิพย์ ธิดาดิน【MUSIC VIDEO】

เพลง : ลมส่าคนหลายใจ (เพลงประกอบละคร ผู้บ่าวอินดี้ ยาหยีอินเตอร์)
ศิลปิน : ข้าวทิพย์ ธิดาดิน
คำร้อง-ทำนอง สลา คุณวุฒิ
เรียบเรียง จักรี อบมา

ข้าว ออกฮวง เป็นพวงก้ม ถืกสายลม ล้มเป็นล่าว
จั๊กว่าเป็นลมหนาวหรือลมหยังน้อแม่ป้า มาคือบ้าดอกพัดแฮง
สาวนาหัวใจแล้ง คึดฮอดบ่าวดอกคนไกล
หรือเขามีหลายใจ จนว่าสาย ... โอยลมฟ้อง

สายลมเดือนตุลา ออกพรรษาพัดมาตึ้งตึ้ง
หัวใจสาวนาคนหนึ่ง เฝ้าคิดถึงคนฮักคนไกล
ลมพัดแฮงสะเทือนไปฮอดหัวใจ
ผู้เฒ่าเพิ่นเคยบอกไว้ ลมแบบนี้ เอิ้นว่าสายลมส่า

ส่าหยังน้อ สายลมปีนี้ กระแสลมพัดมาทีฤดีคนคอยเหว่ว้า
จำคำอ้าย สัญญาใจให้ไว้ก่อนลา ไปอยู่เมืองนานแล้วหนา
คือบ่มาดั่งสัญญาใจ

โทรหาอ้ายสายบ่ว่างจักเทื่อ โทรหาอ้ายสายบ่ว่างจักเทื่อ
โพดเอาเหลือเที่ยวหยอดเหรียญใส่ตู้ จนคนฮู้ว่าเหงา
คำอ้ายเว้าว่าข้าวก่องฮวงเหลือง สิขอไกลเมืองมาอยู่นากับน้อง
สายลมต้องคือเตือนใจว่าฮอดแล้วหนาฮอดยามแล่วน่า แต่โตอ้ายบ่คืน

เมื่อวานซืน น้องตื่นคำคนส่า ว่าไปพ้อหน้าอ้ายอยู่หน้าบิ๊กซี
ซิ่งมอเตอร์ไซค์ ซ้อนผู้สาวหน้าตาดี๊ดี หยอกกันจู๋จี๋ น้องฟังแล้วสะเทือนใจ

โทรหาอ้าย โทรท่อใด๋กะบ่ติด เห็นมือถือปิด น้องแฮงคิดวุ่นวาย
มีคนเขาบอก ว่ามือถือรุ่นคนหลายใจ บ่ค่อยรับสาย ถ้าฮู้ว่าไผโทรมา

ดูทีท่าคือสัญญาอ้ายเปลี่ยน ดูทีท่าคือสัญญาอ้ายเปลี่ยน
สายลมเวียนมันคงส่อยฟ้อง ว่าแฟนน้องเปลี่ยนทาง

สายลมครางเมื่อออกพรรษา
เหมือนลมพัดส่า ว่าอ้ายมีแฟนใหม่
บอกน้อง ผู้คอยอยู่นา ให้ลืมอ้ายสา คงมาหาบ่ได้
สายลม พัดส่าคนหลายใจ คนเว้าใส่ จนน้องมีน้ำตา

สัญญาฮักเฮาคงล้ม สัญญาฮักเฮาคงล้ม
ฟังเสียงลมตึงตึง คนส่า อยากให้อ้ายมา ยืนยันใกล้ใกล้ จั๊กมื้อ ได้บ่น้อ
น้องจะรอเพื่อพ้อหน้าอ้าย จะอยู่หรือไป ก็อยากได้ยินจากปาก
อ้ายอย่าฝากให้ลมส่าได้
ส่าคนหลายใจ อยากอายบ้าน ส่าคนหลายใจ อยากอายบ้าน

#ลมส่าคนหลายใจ #ข้าวทิพย์ธิดาดิน #แกรมมี่โกลด์
#grammygold #grammygoldofficial #ช่องเดียวของคนลูกทุ่ง
-------------------------------------------------------------------------------
❤︎ ติดตามอัพเดทผลงานศิลปิน Grammy Gold ได้ที่
Line@ : http://bit.ly/LineGold
IG : Grammygold_Official
YouTube : http://bit.ly/GrammyGoldOfficial
Twitter : http://bit.ly/TwitGold
Facebook : http://bit.ly/FBgmmGold

☎ ติดต่องานจ้างศิลปิน แกรมมี่โกลด์ โทร.085-484-7345