شيله ال جومان/كلمات محمد بن حوقان/اداء فهد المالكي/الحان فيصل المطيري/تصميم قناه بجيلةfm

الموال

مرحبا واهلين باصحاب السعادة والمعالي
مرحبا يصرخ بها قلبي وينطقها لساني

مرحبا بمشّرّفين الحفل في قصر المعالي
من شيوخ ومن ضيوف ومن صفوف ومن عواني

الشيلة الرئيسية

يا مرحبا واهلين باسم ال جومان
واسم القبيلة واسم روس القبيلة

اسم بني مالك هل القدر والشان
الاسم شامخ والمذاهب اصيلة

ربعك بني مالك معك يا كحيلان
اهل النوافع والسيوف الصقيله

يا مرحبا مليون من قلب ولسان
ويمنى على المدات ماهي بخيلة

يمنى كريمٍ ما تردى على شان
كن الكرم يحكي معه ويحكي له

حسن ..حسن لاصار فالوقت ميلان
يركي لها مثل الجبال الثقيلة

ويسوقها شعر وقصايد وقيفان
الوجه عامر والقوافي جزيلة

ابو على ماهو بمثل اي انسان
وجه وجاه وفارسٍ مامثيله

ابو على يكرم عواني وضيفان
ورجال واصحاب وشيوخ تعني له

ربعه مشاييخ اهل قاله وسلطان
نسب وناموس ومكان وفضيلة

هداج تيما لا ورد كل عطشان
اجواد لو جاء ضيفهم كل ليلة

للحرب وراّدة وللحق ميزان
لاقفلت بين العميل وعميله

ياما فتحنا لابلج الحق بيبان
وياما قفلنا باب فتنة طويلة

نركي على متن الروابع والاركان
ونبدي مبادي مثل برق المخيلة

واللاش لو عنده كما قصر دسمان
لا ينذكر فعله ولا ينضوي له

وختامها مني بشكر وعرفان
من شرّفونا فرد والا قبيلة

اقولها بسمي وبسم ال جومان
الطيب وافر والمبادي اصيلة