Скачать или смотреть “Non grata që bën pis”, Berisha - Balla përplasen në Parlament: Je i akuzuar për porositje vrasje

Kryetari i Partisë Demokratike Sali Berisha dhe kryetari i grupit parlamentar të PS Taulant Balla u përplasën ën Parlament gjatë seancës së sotme për diskutimin e projektit të Portit të Durrësit.

Ishte Berisha i pari që mori fjalën dhe bëri për këtë projekt. Kryedemokrati pati kritika edhe për kohën e fjalës së opozitës.

Por Taulant Balla akuzoi Berishën se ka shkelur rregulloren e Kuvendit.

“Të ankohesh se s’të jepet kohë në Kuvend kur ke folur 7 minuta përtej kohës pa prezantuar kërkesë për procedurë, është sa qesharake aq edhe sigurisht një tallje me sallën e Kuvendit, me publikun për një turp që ky Parlament duhet të ndalet në një nga seancat pasardhëse për të diskutuar për t’i dhënë fund kësaj tragjedie për Kuvendin që një non grata që ka të bredhi dhe të njihet me partnerët e birucave të vijë këtu dhe të bëjë pis sa herë i jepet mundësia duke shkelur rregulloren e Kuvendit. Vendimmarrja për të përcaktuar kohë me debat është ekskluzivitet e Konferencës së Kryetarëve sipas nenit 28 paragrafi 3 dhe sipas nenit 48 paragrafi 3. Kërkesë për procedurë nga përfaqësuesi i botës së përtejme nuk pati. I ftoj kolegët deputetë, meqënëse ka një propozim, propozimi të hidhet në votim të procedojmë me seancën sepse pika që vjen më pas është tepër e rëndësishme, ka të bëjë me një kërkesë deputetësh për situatën në veri të Shqipërisë, dhe pastaj të kalojmë tek çështja e Portit të Durrësit”, tha Taulant Balla.

Por pas fjalës së Ballës, Sali Berisha kërkoi replikë, gjë që nuk u lejua nga kryeparlamentarja Lindita Nikolla. Kjo e fundit hodhi në votim kërkesën për të vijuar me 6 orë debatin për Portin e Durrësit, që u miratua me 71 vota pro dhe kundër 12.

Në këto kushte, Sali Berisha deputetët e tjerë të opozitës bllokuan foltoren e Kuvendit. Nga foltorja, Berisha bëri akuza në drejtim të Taulant Ballës.

“Në Elbasan ai është një porositës vrasjesh, ai nuk ka vend në Parlament, shkoi dhe përgjigjju dëshmive për vrasje. Shpirti i avokatit Ravik Gurra kërkon drejtësi dhe ti je i akuzuar se ke porositur vrasjen e tij. Nuk mundet një njeri se ka porositur vrasje në Elbasan të marrë fjalën këtu”, tha Sali Berisha.

Më pas kryeparlamentarja Lindita Nikolla ndërpreu seancën për 5 minuta.

Pas rifillimit të seancës, Sali Berisha mori fjalën për replikë dhe deklaroi: “Ne jemi në këtë Parlament për të respektuar ligjin dhe rregulloren e Parlamentit të cilat shkelen vetëm se jemi opozitë. Sot nuk m’u dha e drejta për përgjigje sepse fjala e parë që do t’i thosha zotërisë është se je i akuzuar për porositje vrasjesh dhe ke fshirë regjistrimet dhe së bashku me ty është hija e të ndjerit Ravik Gurra që të kishte kapur ty në lidhje me bandat në porosi vrasjesh dhe e eliminove. Nuk ka vend në botë që të mos e dënonte këtë”.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan