၂၀၂၄ ခုနှစ် စက်တင်ဘာလ ၁၉ ရက်၊ ညနေ ၅:၀၀ အချိန် ခန့်မှန်းချက်များအရ မိုးလေဝသ တိုက်တွန်းနှိုးဆော်ချက်

အပူပိုင်းမုန်တိုင်း Soulik နှင့်စပ်လျဉ်း၍ မြန်မာစံတော်ချိန် ညနေ(၅း၀၀)နာရီအချိန်ထိ တိုင်းထွာချက် သတင်းထုတ်ပြန်ခြင်း
၂၀၂၄ ခုနှစ်၊ စက်တင်ဘာ ၁၉ ရက်

🌀 အပူပိုင်းမုန်တိုင်း SOULIK အခြေအနေ
••••••••••••••••••••••••••••••••••••
◾နိုင်ငံတကာမိုးလေဝသဌာနများ၏ ၂၀၂၄ ခုနှစ်၊ စက်တင်ဘာလ (၁၉)ရက်နေ့ ညနေ (၅း၀၀)နာရီအချိန် ခန့်မှန်းချက်များအရ တောင်တရုတ်ပင်လယ်အတွင်း ဖြစ်ပေါ်နေသည့် အပူပိုင်းမုန်တိုင်းငယ် Soulik သည် ယနေ့ညနေပိုင်းတွင် ဗီယက်နမ်နိုင်ငံ ကုန်းတွင်းပိုင်းကို ဖြတ်ကျော်ဝင်ရောက်လျက်ရှိပါသည်။ အပူပိုင်းမုန်တိုင်း၏ဗဟိုချက်လေဖိအားမှာ တစ်နာရီလျှင် ၆၅ ကီလိုမီတာ (မိုင်၄၀)ခန့်မှ ၇၄ ကီလိုမီတာ(၄၆မိုင်)ခန့်အထိ တိုက်ခတ်နိုင်ပါသည်။
◾အဆိုပါအပူပိုင်းမုန်တိုင်း Soulik သည် အနောက်ဘက်သို့ဦးတည်ရွေ့လျားနေပြီး လာမည့် (၂၀)ရက်နေ့ အစောပိုင်းအတွင်း လာအိုနိုင်ငံအလယ်ပိုင်းသို့ ဖြတ်သန်းဝင်ရောက်ပြီး အနောက်-အနောက်မြောက်ဘက်သို့ ဦးတည်ရွှေ့လျားက ၂၀ရက်နေ့ ညပိုင်းတွင် ထိုင်းနိုင်ငံ အရှေ့ဘက်တွင် အားပျော့ပျက်ပြယ်သွားမည်ဟု ခန့်မှန်းပါသည်။
◾သို့ဖြစ်ရာ မုန်တိုင်းနှင့်အတူ မုတ်သုံလေများတိုက်ခတ်ခြင်းကြောင့် လာမည့် ၄၈ နာရီအတွင်း မြန်မာနိုင်ငံအရှေ့ပိုင်း၊ ရှမ်းပြည်နယ်၊ မြန်မာနိုင်ငံအလယ်ပိုင်း၊ မန္တလေးတိုင်း၊ စစ်ကိုင်းတိုင်းအောက်ပိုင်း၊ မကွေးတိုင်း၊ မြန်မာနိုင်ငံအနောက်ပိုင်းရခိုင်ပြည်နယ်၊ အရှေ့တောင်ပိုင်း ကရင်နီပြည်နယ်၊ ပဲခူးတိုင်း၊ ကရင်ပြည်နယ်၊ မွန်ပြည်နယ်နှင့် တနင်္သာရီတိုင်းတို့တွင် နေရာစိပ်စိပ်မှ နေရာကျဲကျဲ မိုးထစ်ချုန်းရွာနိုင်ပါသည်။ ပဲခူးတိုင်း၊ ကရင်နီပြည်နယ်၊ ကရင်ပြည်နယ်နှင့် မန္တလေးတိုင်းတို့တွင် နေရာကွက်၍ မိုးကြီးနိုင်ပါသည်။
အကြံပြုချက်
••••••••••••

◾အဆိုပါအပူပိုင်းမုန်တိုင်း Soulik ၏ အရှိန်ကြောင့် မြန်မာနိုင်ငံနေရာဒေသအတော်များများတွင် မိုးသည်းထန်စွာရွာသွန်းခြင်း၊ လေပြင်းတိုက်ခတ်ခြင်း၊ မိုးကြိုးပစ်ခြင်း၊ မြေနိမ့်ဒေသများတွင် ရေလွှမ်းမိုးခြင်းနှင့် မြေပြိုခြင်းများ ဖြစ်ပွားနိုင်ပါသဖြင့် ဒေသခံပြည်သူများအနေဖြင့် နေရာကွက်၍ မိုးကြီးခြင်း၊ ရေလွှမ်းမိုးခြင်း၊ လျှပ်တပြက်ရေကြီးခြင်းနှင့် ကမ်းပြို/မြေပြိုခြင်းအန္တရာယ်များကို သတိပြုနေထိုင်ကြပါရန် အသိပေးတင်ပြ အပ်ပါသည်။
မှတ်ချက်
မိုးလေဝသဖြစ်စဉ်များသည် အချိန်နှင့်အမျှ ပြောင်းလဲဖြစ်ပေါ်နိုင်သည့်အတွက် နေ့အလိုက်ခန့်မှန်း ချက်များကို အထူးသတိထားစောင့်ကြည့်ပေးကြပါရန် တိုက်တွန်းနှိုးဆော်အပ်ပါသည်။

#PVTV
#WeatherForecast