راح من عندك وهو يسمع عزازي & خالد ال بريك & قرناس الشاطري | الردي لو هو ولد عمي حرامٍ اني ماعده

يا عريب الساس محمود السجايا
فيك احب البيت ب المعنى المجازي

مامدحتك مقصدي جزل الهدايا
شاعرن مع كل مطنوخ انحيازي

جعلك مناجى من سهوم المنايا
اتشالا يوم اشوفك في جهازي

عشت ي هداج تيما لٌ الضمايا
البحر كنه معك بير ارتوازي

لك جزيلات المعاني والتحايا
ياثقيل الروز قدام المرازي

ماتبي رد الجميل ليا تهايا
ماخلقك الله ضعيّف وانتهازي

تفعله ف الناس من طيب النوايا
مثل جدانك بعيدن المغازي

ياصليب الراس يا شوق الصبايا
مدحتي لك من شموخي وااعتزازي

انتً راسً في مطير اهل الحمايا
تعتبر مثل العمود الارتكازي

بنتً فكري فيك مردوعة شفايا
العنود القايده ريم الجوازي

سقتها لك مثل من ساق المطايا
وانت صيتك ما يوازيه الموازي

تنطل المليون مااظهرت الزكايا
للدريك اللي ما تدري غير وازي

ماتبى الا الستر ياذيب السرايا
حرً اشقر ماانت طيرً من شيرازي

تنحر الحاشي كرم ماهو مرايا
والخروف اللي من النعمه ينازي

والبخيل اللي فعوله ف الهرايا
لا توّفى فرحو اهله ب التعازي

واقعيً حتى مع الناس الكحايا
ماسكنت من الوهم برجً قزازي

صادق ضاحك و داهية الدهايا
ماتجيب الغايبه لا راحت غازي

والضعايف جيدين ف الزرايا
وانت صقرً مخلبك مخلاب بازي

عيبك انك بس جزلً فالعطايا
يفرح المعتاز قضّاي العوازي

ماتو الحساد من بطشك ضحايا
اشهد انك مثل عرهان البرزاي

كم فقيرً جاك همه ف الحنايا
راح من عندك وهو يسمع عزازي
[ ]