Turkiya rasman Isroilga qarshi sud ishiga qo‘shilmoqda

Turkiya Janubiy Afrika tashabbusi bilan Xalqaro Adliya sudida Isroilga qarshi genotsid ayblovi bo'yicha ochilgan ishga qo'shilish uchun ariza berdi. Bu haqda Turkiya tashqi ishlar vaziri Hakan Fidan bayonot berdi.

Turkiyadan tashqari Ispaniya, Meksika, Kolumbiya, Nikaragua va Liviya ham sud ishiga qo'shilish bo'yicha ariza bergan. Adliya sudi hozircha yakuniy javobini e'lon qilmagan.

Turkiya hukumati nazdida, Ukrainadagi urushni harbiy jinoyat sifatida baholayotgan G'arb mamlakatlari G'azo urushiga kelganda ikki yuzlamachilik qilmoqda. Yaqin Sharqda barqaror tinchlik o'rnatish uchun esa Falastinga o'z yerlari va ozodligi qaytarilishi shart.

Turkiya rahbari Rajab Toyyib Erdog'anning ta'kidlashicha, Isroil falastinliklarga qo'llagan zulm uchun javobgarlikka tortilishi lozim. G'arb terrorchi guruh deb tamg'alayotgan XAMAS aslida milliy ozodlik harakati.