Скачать или смотреть Khit Thit သတင်းဌာန၏ နိုဝင်ဘာ ၃ ရက် မနက်ပိုင်း ရုပ်သံသတင်းအစီအစဉ်

Khit Thit သတင်းဌာန၏ နိုဝင်ဘာ ၃ ရက် မနက်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ နိုဝင်ဘာ ၃ ရက် မနက်ပိုင်း တင်ဆက်ပေးမယ့် သတင်းတွေကတော့

-ရန်ကုန်တိုင်းက ပုဂ္ဂလိက ဆေးရုံ၊ ဆေးခန်းတွေမှာ CDM ကျန်းမာရေးဝန်ထမ်းတွေကို အလုပ်မခန့်ဖို့ အမိန့်ထုတ်တဲ့ ဒေါက်တာနန္ဒာဝင်းမှာ ယုတ်မာရက်စက်တဲ့ စိတ်ဓာတ်နဲ့ ရပ်တည်ချက်ရှိနေတာကြောင့် ပြည်သူ့ဂုဏ်ရည်ဆုနဲ့ မထိုက်တန်သူအဖြစ် ရှုတ်ချတယ်လို့ အမေရိကန်အခြေစိုက် ပြည်သူ့ဂုဏ်ရည် အသင်းရဲ့ ဗဟိုအလုပ်အမှုဆောင်အဖွဲ့က ထုတ်ပြန်ကြေညာပါတယ်။
ရှမ်းပြည်နယ်တောင်ပိုင်း၊ တောင်ကြီးမြို့၊ မီးပုံးပျံပွဲမှာ ကြံ့ဖွတ်ပါတီက မီးပုံးပျံလွှင့်တင်စဉ် ရုတ်တရက် မိုးရွာလာပြီး မီးပုံးပျံ မီးလောင်ကာ ပျက်ကျခဲ့ပြီး လူတိုးဝှေ့ကြတာကြောင့် လူပိကာ ၂ ဦး ထက်မနည်း သေဆုံး ခဲ့တယ်လို့ ဒေသသတင်းရင်းမြစ်တွေက ရန်ကုန်ခေတ်သစ်ကို ပြောပါတယ်။
အကြမ်းဖက်စစ်တပ်လက်အောက်ခံ တိုင်းစစ်ဌာနချုပ်တွေအားလုံး နိုဝင်ဘာလ ၂ ရက်နေ့က ဘုံကထိန် လှည့်လည်ရာမှာ ဒရုန်းနဲ့ ဗုံးကျဲမှာကို စိုးရိမ်တာကြောင့် Jammer တွေ ကားပေါ်တင်ပြီး လှည့်လည်ကြ တယ်လို့ အနောက်မြောက်တိုင်းစစ်ဌာနချုပ်နဲ့ ကမ်းရိုးတန်းတိုင်းစစ်ဌာနချုပ်တို့ရဲ့ ထုတ်ပြန်ချက်နဲ့ ဘုံကထိန်လှည့်လည်မှုကို သွားကြည့်ခဲ့သူတွေရဲ့ ပြောဆိုချက်အရ သိရှိရပါတယ်။
မကွေးတိုင်း၊ ပေါက်မြို့နယ်အတွင်း စစ်ကြောင်ထိုးလာတဲ့ အကြမ်းဖက်စစ်တပ်က ပြည်သူပိုင်နေအိမ်အတွင်း ကြက်ဝင်ဖမ်းတဲ့ စစ်သား ၃ ဦးကို အရှင်ဖမ်းမိကာ လက်နက်ခဲယမ်းတွေ သိမ်းဆည်းရရှိခဲ့တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။