16 июля 2024 г.

🌿 Төрөөбүт сиргиттэн тэйдэххинэ төрүт тыыныҥ уһуктар, дойдуҥ ахтылҕана күүһүрэр диэччилэр. Сахаларын сириттэн көһөн, киин сиргэ олохсуйбут биир дойдулаахтарбыт ону эттэринэн-хааннарынан толору билэн эрдэхтэрэ.

Үгүстүк истибиккит буолуо, Аар Айыыларбытыгар сүгүрүйэр, сайыммыт уйгутун-быйаҥын түстүүр Үрүҥ Тунах ыһыахпытыгар сылдьар санаабыт өссө күүһүрдэ дииллэрин. Ол иһин, Өрөспүүбүлүкэбит салалтатын көҕүлээһининэн, киин сиргэ олорор биир дойдулаахтарбытыгар сыл ахсын ыһыах ыһыы үтүө үгэскэ кубулуйда.

Быйыл омукпут үтүө үгэстэрин, култууратын илдьэ сылдьар, А.Д. Макарова аатынан Дьокуускайдааҕы култуура уонна искусство колледжын устудьуоннара Москва уонна Санкт-Петербург куораттарга олохтоох биир дойдулаахтарбытыгар ыһыах ыытан кэллилэр.

📱Колледж ыһыахха кыттыытын туhунан кылгастык колледж директора Захар Никитин НТВ ханаалга кэпсээбититтэн быhа тардан үллэстэбит.
#dance #dances #ысыах #якутия #москва