Klan News - Italiani rrit trëndafila në Lushnje

Pasionin e tij për trendafilat italiani 73-vjeçar po e realizon në Shqipëri. Giuseppe (xhuzepe) ka 4 vjet që jeton në këtë zonë të Krutjes në Lushnje.

Ka vendosur të jetojë përgjithmnëe në Shqipëri dhe pjesën tjetër të jetës ta kaloj së bashku me gruan e tij, në mes të trendafilave duke prodhuar vajin esencial. Xhuzepe nga mëngjesi deri në mbrëmje punon në baçen e trëndafilave. Ka mbi 3 mijë rrënjë, i bën shartimin dhe nxjerr vajin nga lulet aromatike të tyre. Këtë vaj e eksporton, ndërsa në Krutje e përdor edhe për të shëruar njerëzit.

Giuseppe Bardaro: Erdhëm në 2020 në Shqipëri, dhe vendosëm të qëndrojmë në Krutje sepse gruan e kam shqiptare. Zgjodha midis Indisë dhe Portugalisë, të jetoj në Shqipëri. Këtu bëj fshatarin, kam kopshtin tim të trëndafilave, bëj vajin që përdoret për sëmundje, parfume etj. Jam i lumtur këtu.

Në tokat e mbjella me trëndafilin e veçantë që përdoret vetëm për prodhimin e vajit esencial dhe me aromë të fortë, po kryhet vjelja. 73-vjeçari italian ndihet i lumtur gjatë punës sepse ka realizuar ëndrrën e tij.

-Të mungon Italia?

Giuseppe Bardaro: Jo, këtu kam gjithçka, jam qytetar i lindur në Itali, por Italinë e kam këtu. Më pëlqejnë fëmijët kur i shoh në rrugë e shkojnë në shkollë, përshëndetem me njerëzit e lagjes. Është shumë qetësi. Dy vjet e lashë shtëpinë pa gardh dhe nuk kisha asnjë problem.

Bashkëshortja e italianit është Sonila e cila sikundër ai ka të njëjtin pasion. Puna me trendafilat bëhet gjithe diten, ndersa  enderra e cila nisi nga Toskana  u realizua ne Krutje.

Sonila Vogli: Jemi përshtatur shumë mirë. Zona është shumë e mirë nga ana klimatike për pasionet tona, dhe për trëndafilat dhe për gjërat tjera. Xhuzepe ndihet shumë mirë sepse është në ambientin e vetë, në natyrë në atë që ai do dhe mirë... Nga Toskana këtu diferencën nuk është se e kemi parë.

Të dy rrisin trëndafilat jo vetëm për bukurinë e shpirtit, por edhe për shërimin e tij. Xhuzepe dhe Sonila thonë se nuk do të kthehen asnjëherë në Itali, por stacioni i tyre i fundit mbetet Shqipëria ose India.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan