Скачать или смотреть VadilShri Girdharbhai & SMT. Kusumben on their Jeevatcharya Event on 21/11/2025

To VadilShri Girdharbhai & SMT. Kusumben on their Jeevatcharya Event
at Dholwani, Ta: Bhiloda, Dist. Aravalli on 21/11/2025, Friday

અમારા અતિપ્રિય વડીલશ્રી ગિરધરભાઈ, શ્રીમતી કુસુમબેન, શ્રી ભાર્ગવભાઇ, હીનાબેન તથા આપનો સર્વ કુળ પરિવાર સમસ્ત..

🌸 શ્રી ગિરધરભાઇ તથા શ્રીમતી કુસુમબેન બેઉની જીવતચર્યા ઉજવણી આ એક ઐતિહાસિક પ્રસંગે ખૂબ જ હ્રદયપૂર્વકના અભિનંદન ...🌸

શ્રી ગિરઘરભાઈ અને શ્રીમતી કસુમબેનના જીવતચર્યા પ્રસંગે અમે હાર્દિક અભિનંદન પાઠવીએ છીએ. તેમના જીવનમાં સૌજન્ય, મીઠાશ અને કરુણાનો અખૂટ ખજાનો રહેલો છે. તેઓ બેઉ હંમેશાં સૌને પ્રેમથી મળ્યા, પરીવાર માટે દરેકની સહાયતા માટે આગળ આવ્યા અને પોતાના ગામમાં તથા સમાજના દરેક કાર્યમાં પોતાનું યોગદાન આપ્યું. તેમની સરળતા, મૃદુ સ્વભાવ અને સહાય ભાવનાથી તેઓ સમાજમાં અને પરિવારમાં વિશેષ સ્થાન ધરાવે છે.
શ્રી ગિરઘરભાઈ પોતે પરિવારની આર્થિક અગવડતા તથા રૂઢિચુસ્ત સમાજમાં જન્મેલા તથા પોતાના નાના સરખા કસબામાંથી /વતનમાંથી તાલુકાના લેવલની કે જે ભિલોડા ખાતે આવેલી માઘ્યમિક શાળામાં ઉચ્ચ શિક્ષણ પ્રાપ્ત કરવા પગપાળા પંથ કાપી તે પણ નદી-નાળા પાર કરીને અનેક શૈક્ષણિક ડિગ્રીઓ જેવીકે એમ.એ. તથા એમ.એડ.પ્રાપ્ત કરીને
ગણીબધી શૈક્ષણિક સંસ્થાઓમા ઉચ્ચ પદવીઓ જેવીકે આચાર્ય, સંસ્થાના નિયામક તથા સંસ્કૃતના અધ્યાપક તરીકે ઉજ્જવળ કારકિર્દી પ્રાપ્ત કરી છે, જે અમોને બરાબર યાદ છે. આ એમના પૂરા ખંત અને મજબૂત મનોબળથી પ્રદાન કર્યુ છે, જે કદીયે વિસરાશે નહિ અને આવતી અનેક પેઢીઓ એમનો ઈતિહાસ ગાશે..
તેમના જીવનનો માર્ગ હંમેશાં સેવા, સહકાર અને સૌહાર્દથી પ્રકાશિત રહ્યો છે. સમાજના લોકો માટે તેઓ હંમેશાં આશ્રયસ્થાન રહ્યા છે. કોઈને માર્ગદર્શન આપવું હોય, કોઈને મદદ કરવી હોય કે માત્ર પ્રોત્સાહન આપવું હોય, તેઓ હંમેશાં તૈયાર રહ્યા છે. તેમના જીવનમાંથી આપણે શીખીએ છીએ કે સાચું ધન સંપત્તિમાં નથી, પરંતુ પ્રેમ, સેવા અને માનવીય સંબંધોમાં છે. તેઓશ્રી તેમના વતન ધોલવાણી ગામમાં સરપંચશ્રી તરીકે પણ સેવાઓ પ્રામાણિકપણે બજાવેલી છે..
શ્રી ગિરઘરભાઈ એ એક નાની સરખી બુક છપાવેલ સુખની ચાવી જે એમના તે વખતના ક્રાંતિકારી વિચારો હતા કે જેમાં દારૂના વ્યસન મુક્તિ માટે ખાસ ઉદેશીને લખેલું જે આજે પણ આપણે તથા આપણી પેઢી માટે ખૂબ જ ઉપયોગી છે..
શ્રી ગિરઘરભાઈ હંમેશાં ગાંધીવાદી વિચારોથી આકર્ષિત રહયા છે, કે જેને લીધે એમની કારકિર્દીમાં પણ અસત્ય સામે લડવા માટે તૈયાર રહેલા છે અને એમાં હંમેશા જીત હાંસલ કરી છે..
આજે તેમના જીવત્સર નિમિત્તે, અમે સૌ તેમના જીવનમૂલ્યોને યાદ કરીએ છીએ અને પ્રાર્થના કરીએ છીએ કે તેમનો આદર્શ માર્ગ આવતી પેઢીઓને પ્રેરણા બને. સમાજમાં તેમણે જે પ્રેમ અને સહકારનું વાવેતર કર્યું છે તે હંમેશાં ફૂલતું-ફળતું રહે તેવી શુભકામનાઓ.
શ્રી ગિરઘરભાઈ તથા તેમના પૂરો પરિવાર અમારા લોહીની સગાઈવાળા છે કે જે અમારી મોટી ફોઈ મોતીફોઇના દિકરા તથા અમારી બા ના સગાકાકા ના દિકરા થાય છે એટલે અમો સર્વ પરિવાર ને શ્રી ગિરઘરભાઈ પ્રત્યે શરૂઆતથી જ અનહદ પ્રેમ અને માન સન્માન છે..

🙏 ફરીવાર શ્રી ગિરધરભાઈ અને કસુંમબેનને આ શુભ પ્રસંગે હાર્દિક અભિનંદન,ઘણીજ શુભકામનાઓઅને બેઉ ને કોટી કોટી વંદન અને પ્રણામ. શ્રી શામળિયા ભગવાનને પ્રાર્થના કે આપ બેઉ દિરઘાયુને પ્રાપ્ત હો. 🙏

એજ તમારા હંમેશના શુભેચ્છકો,
દિનકર, પુષ્પા, યોગીની, અસ્મિતા, મયુર
જય ગુરુદેવ.. જય પ્રભુ.. જય શામળિયા..