Скачать или смотреть DCEA Yawanoa Askari Wanafunzi wa TFS Kuhusu Udhibiti wa Dawa za Kulevya

Mamlaka ya Kudhibiti na Kupambana na Dawa za Kulevya (DCEA) imeendesha mafunzo maalum kwa zaidi ya askari wanafunzi 360 wa Wakala wa Huduma za Misitu Tanzania (TFS) katika Chuo cha Mafunzo ya Kijeshi cha TFS kilichopo Mlele, mkoani Katavi.

Lengo la mafunzo haya ni kuwawezesha askari wanafunzi kuwa na uelewa mpana kuhusu athari za matumizi na biashara ya dawa za kulevya, pamoja na nafasi yao katika mapambano haya, hasa kwa kuzingatia jukumu lao katika kulinda na kuhifadhi misitu ya taifa.

Mada muhimu zilizotolewa ni pamoja na:
🔹 Uhusiano kati ya uhalifu wa dawa za kulevya na uharibifu wa misitu
🔹 Namna wakulima haramu wanavyotumia maeneo ya hifadhi kwa kilimo cha bangi na mirungi
🔹 Umuhimu wa ushirikiano kati ya TFS, DCEA, na jamii katika kupambana na vitendo hivi hatarishi

📌 Mafunzo haya ni sehemu ya mkakati wa kitaifa wa kuongeza uelewa na kujenga uwezo wa wadau mbalimbali katika vita dhidi ya dawa za kulevya nchini Tanzania.

🔔 Usisahau kusubscribe kwa ajili ya kupata taarifa zaidi kuhusu juhudi za DCEA katika kuelimisha, kuzuia na kupambana na matumizi na biashara ya dawa za kulevya.

#DCEA #TFS #Katavi #MapambanoDhidiYaDawaZaKulevya #UlinziWaMisitu #VitaDhidiYaUhalifu #Tanzania