Скачать или смотреть შენი კვალი ინტერნეტში

რამდენჯერ წაგიშლია ინტერნეტში შენი ძებნის ისტორია?
თუმცა "Clear Browsing Data" ყველაფერს ვერ შველის...

ჩვენ ვიყენებთ სოციალურ მედიას, ვსტუმრობთ სხვადასხვა საიტებს, ვეძებთ ინფორმაციას, ვყიდულობთ სხვადასხვა სერვისსა და პროდუქტს და -
ინტერნეტი ყველაფერს იმახსოვრებს!

არსებობს 2 სახის კვალი, "აქტიური" - რომელსაც ნებაყოფლობით ვტოვებთ - მაგალითად ფოტოები და სტატუსები სოციალურ მედიაში და "პასიური", რომელიც ისე რჩება - ჩვენ ვერ ვიგებთ. მაგალითად, რომელიმე საიტზე სტუმრობისას ცნობილი ხდება შენი IP მისამართი, ანუ შენი კომპიუტერული მოწყობილების საიდენტიფიკაციო კოდი, რომლის საშუალებითაც შესაძლებელი ხდება შენი სავარაუდო ადგილმდებარეობის დადგენა.

გაიხსენე, დავუშვათ რომელიმე საიტზე ლამაზ მაგიდებს ათვალიერებდი, საიტი დახურე და მაგიდები აღარც გაგხსენებია, შემოდიხარ Facebook-ზე და იგივე კომპანიის მაგიდების რეკლამას გიგდებს
როგორ მიხვდა?!

ინტერნეტში შენი ძებნის ისტორიაა დამახსოვრებული! ქუქი-ფაილების, ანუ მცირე ზომის ტექსტური ფაილების საშუალებით, რომელიც შენს მოწყობილობაში: მობილურში თუ კომპიუტერში ინახება, ვებ-საიტი იმახსოვრებს შენს შესახებ ინფორმაციას. მათ იციან რომ შენ მაგიდები გაინტერესებს და ამიტომ მაგიდების შესახებ რეკლამას გაჩვენებენ!

ეს ხომ კარგია? მაწვდის იმ ინფორმაციას, რომელიც მაინტერესებს!
რაღაც მხრივ კარგია, თუმცა ნაკვალევის დატოვებას როგორც დადებითი, ასევე უარყოფითი მხარეებიც აქვს.

შენი პერსონალური ინფორმაცია ვიღაცისთვის ხელმისაწვდომი ხდება: რა გაინტერესებს, რა გიყვარს, სად დადიხარ, რა გაბრაზებს და ა.შ. ერთი შეხედვით უმნიშვნელო ინფორმაცია ვიღაცის ხელში შესაძლოა მანიპულაციის საშუალება გახდეს.

კი მაგრამ, რა გავაკეთო?

დღეს ინტერნეტის გარეშე ცხოვრება თითქმის წარმოუდგენელია, თუმცა შეგვიძლია მაქსიმალურად ვეცადოთ - არ გავადიჯიტალოთ და ფრთხილად მოვექცეთ იმ ინფორმაციას, რომელიც არ გვინდა რომ სხვებმა გაიგონ. ეცადე არ დაიმახსოვრო ვებ-საიტზე შესვლისას შენი მონაცემები, არ ანდო პირადი ინფორმაცია საეჭვო რეპუტაციის მქონე საიტებს და უცხო მოწყობილობის გამოყენების შემთხვევაში ეწვიე ვებ-საიტებს ინკოგნიტო ფანჯრით.