Скачать или смотреть Maria Rosa Mystica by Kamikazi

Maria Rosa Mystica lyrics"

Yeee, yeee, yeee, yeee

R/ Mutima utagira inenge, wowe Rosa Mystica Rumuri rw’abakwizera, ngwino utwiyoborere Twiyoborere koko Mama, twiyoborere ijuru (x2)

1. Rosa Mystica, Mubyeyi, utagira urugero Uri umwigisha w’urukundo, rumwe ruhora ho rw’Imana (x2)✓

2. Warababaye Mubyeyi, kubera uburangare bwacu, Ntimatima y’urukundo, reka tukwihoreze (x2)✓

3. Twiyoborere mu rukundo, rumwe rutajenjetse, Rwa Papa na Kiliziya mu nzira igana ijuru (x2)✓

4. Tugutuye Rozari ukunda, kandi waduhayeho, Intwaro ihashya Shitani n’ibyitso byayo byose (x2)✓

5. Akira amashyi n’impundu, kuko urabikwiye Wowe watowe n’Imana, ngo uyibere umufasha (x2)✓

R/......

6. Hari abagaya ibyo ushaka, bakagutera agahinda, Rurabyo ryuje ubukungu, twe turaguhakwaho(x2)✓

7. Rurabyo rwuje ubutunzi, reka tukwihoreze Tukwihoreze Mubyeyi, mu bikorwa wifuza (x2)✓

8. Ibyavuzwe na Simeoni, byabaye impamo koko. Valentine wabibonye, wamusuye I Kibeho (x2)✓

9. Yabonye umutima wawe, wahuranijwe n’inkota. Byose bisozwa bityo Mama, ko wababaye koko (x2)✓


10. Twebwe abagukomoka ho, tukubere abahamya B’ibyahanuwe na Yohani, mu kirwa cya Patimosi (x2)*

11. Ibyavuzwe na Malayika, byabaye impamo koko Abashumba babibonye, bajya I Betelehemu (x2)*

12. Mu nzira y’urumuri rwawe, mutima utagira inenge Tuwushyize hamwe n’uwa Yezu, ngo tubere agakiza (x2).**


10. Na rwa Rugori rw' Ubutatu narwo ni impamo Koko , Mutirende yarubonye Aho umusuriye mu Manga. ×2✓

R/.....

11. Uwakumva umuniho wanjye yambaza ko Mama arihehe , ereka n' abanyanga bose ko Mama Uri mu ruhande rwanjye x 2✓

12. Ishema ry'Umwana wawe yarigushyize mu biganza, kuko
Yari abizi neza ko uzakoza isoni shitani.×2✓

13. Mu mahwa y' Imifatangwe ntujya unsiga jyenyine. Umfata ukuboko ntabizi, nkabona nahahise.× 2✓

14. Yezu Yari Umutima Wawe , Yezu Yari nk'amagufa Yawe, ubwo bamuteraga imigera wayumviraga mu Mutima × 2✓

15. Shimwa ko imigera y' umwanzi uyimpungisha yose, umbumbatira mu Gituza cy' Umutima Utagira Inenge . ×2 ✓

R/.....× 2
Twiyoborere koko , Twiyoborere Ijuru, Twiyoborere koko Twiyoborere Ijuru.

............... ......... ......... .........


NB: Iyi ndirimbo yaturutse bwa mbere mu ba MSM , iza gusa nizimira yongera kwigishwa,Turikumwe Emmanuel.
Uko imeze hano Ni uko Kamikazi yayiririmbiye Umubyeyi Ku13/7/2017.