الحلقة (27) السفرة 3 2023 صلاح الورفلي

💚السفرة 3🌴 نجع 𝟐𝟎𝟐𝟑

دعوني للسفره ووتيت
بعودي جيت
تلاقينا فـ قطاع البيت

جيت وناوي
عـ السفرة بنجيب حكاوي
لي مولاة الخــد الضـاوي
برق شكـــع منا ضــــويت

عين الناوي
مولاة المحــــــزم مساوي
هي مستمعة وأنـــــا راوي
معــــــاها تستمعوا ياريت

جيت نداوي
في مكنوني و جرح الغـاوي
نطرح في مشروع الهـــاوي
قبل يقـــــولولي ( توليت)

شعر مساوي
لاو مبثوث ولا هـــــو ثاوي
ثلثتة فتلت جنفــــــــاوي
عليه زدت أميــــــة بخيت

عاشق للسفرة
شاره بيهــا ماي غير طفرة
يامدوام يا ماســــك غفـرة
لا فصلـــــــــوني لا مليـت

بيها طاهق
لاني مشوّب لاني واهـــق
وين أتاوقني مـ الفــــاهق
كنت مشـــــــرتع والتميت

ثالث عــــام على سفــرتها
عام بـ عـــــام نراجي فيها
كل عــــــام مراجي جيتها
عـ اللي صار نبي نحاكيهـا
إي نلقني أشتقت لشبحتها
هي و السفـرة العين عليها
زينة وتعجبني طلتهــــــــا
لاي خفيفـــة لاي سفيهـا
فاحت عـ الجلسة جدرتهـا
خمرة والزيت مرويهــــــــا
تظفــــر فيها مشــــاطتها
بيش (تعطسنــا ) تبيهــــا
حاجة عطـــــــــراشي بنتها
خلطة العطـــــــــار مقويها
بانت في إيديها حنتهـــــــا
لوحة تشكيلي ســـــاطيهـا
ســـــــابق تشبىٰ تحزيمتها
مرشوقة ربي عاطيهـــــــــا
ريمه وتقصع في جرتهــــــا
رزيتني ومـــــــــــاني رازيها
نلبس في صبعي دبلتهـــــا
هاذي صــــــــادقتي ناويها
قلت بنحكي لي (مينتهـــا)
ما نعـرف كيف أنباديهـــــا
هيــٰه اللي تجيب ضويتهـا
نتركها والله أراجيهــــــــــا
والله خير مع( خيتهـــــا )
مضمون جوابي تعطيهـــا
قلت أفضل نحكي(لخالتها)
خبرة المفتـــــــاح توريها
خـــايف لو قلت (لعمتها)
باك تقول أحميدة(يبيها)
فكرت نوشــوش (جدتها)
واحل كيف نبي نسهريهـا
طرشة وعمية وفيها ستهه
بس نوسـع بـــــالي ليها
نبدأ مــاســـك فـ إيديتها
غير تقول نبي نحنيهـــــا
ونجيبلها نشــــــاقتهـــــا
نرجي لين العطسة تجيها
خايف تشرق من عطستها
ما نعرف كيف نعانيهـــــا
حاولت نصارح (حنتهــا)
تجبد جرنان كـــــــلاويها
تبدأ تشكي من عازتهــــا
تحكي فـ إهمال ضراريها
ترغي لا عاد نسكتهــــــا
لاني دكتور أنداويهــــٰـــا
فكرت نوصي جٰــــــارتها
تطلب في حاجتها تبيهـا
وأنا حــــالي من حالتها
ماعندي بيش بنشريهــا
نصحوني بي (مُديرتهـا)
بندور مـ اللي ( يرقيهــا)
حتى فكرت (صديقتهـا)
مرات الغيـــــرة تلويها
تنكرها تذهب شيرتهــا
نبي نطببها نعميهــــــا
لين أنبد على عيلتهــــا
واحد واحد جيهه جيهه
قلت نبي نجبد قصتهــا
عـ السفرة وماني خافيها
نا وزعت وهي مشكتها
(كـــــــــوزي ري)
غمزني(لص) عليه أرقي
قطع القسم وقطع الضي
الحــــــــــــظ الســـئ
علي وعـ السفرة والحي

قطع قسـامي
حرموني مـ اللي قـــدامي
قطع الضي وقطع غرامي
ولا هـــــاذا لا هذا إيجي

قطع أحمــالي
لا ما الضي ولا بـ (أمالي)
قلبي يفرفش مـــا يابالي
يصبر لين يطيــــب الني

جيت على السفرة وفي بالي
عارف عـ السفرة نلقاها
شرفنا ملقى الغـــوالي
فرصة ولحظة نتمناها
ملقانا ملقي مِــثــــالي
لمُحيـــــاي ولمُحياها
ماهو غايب عنها والي
سهرةمحظوظ اللي جاها
ملقى قمة متهــــايالي
وفد معايا وفد معاهـــا
جوقة مـ الطراز العالي
من يالاي ومن يالاهــــا
غابت عام وجت فـ أقبالي
تدنىٰ عنها حادوا غطاها
كيف عيون الريم الفــالي
هـ اللي شردت في مفلاها
بديت بطقة هــــذوالي
سهرة مـ المغرب نبداها
نا ناوي بـ أنكب شـــوالي
وهي قفتهـا و أصرراهـــا
لين عقـــاب الليل التالي
يكمل مشكاي ومشكلها
ما نطمعش تكون حلالي
حلمة من الأحسن ننساها
قبل نقول أندز (خوالي)
وفد يعـــدوا لي (باباها)
لو قالت بـــاهي وتابالي
ظنك بيش بـِ نتقاهـــــــا
رجل أعمال وكاثر مـالي
والله منصب فيه وجاهه
وأخري ( بوها )ما يابالي
وأنا (اللزه )ما نرضاهـــا
بعد بتعرفني زيــــــوالي
تدخل طول تضم أرداها
واحد مفلس بوقه خالي
حتى حاجة ما يقناهـــــا
ما بتأكل شعري وخيالي
وين تجوع تريد عشـاهـا
بنت السفرة شغلت بالي
نسرق في عيني يالاهـــا
خـــايف نعطيها نقالي
تفهمها خفه وسفــــاهـا
خرافة وضحكة تبقالي
فـ أخر عمري ما نرضاها
لاهي لي ولاي أفعــالي
نا حيشاني وهي حيشاها
وممكن حتى يتهـــايالي
تطلع هجـــالة بضناهـٰـا
وقالوا مني خوهــا مالي
ســـامع ندحنس يالاهـا
هو مليشي وأنا موالي
الدوشكة ما يمشيش بلاها
وأنسبب في قزن أعيالي
الفــــــــــــــــــال الكي
الله لا يجيبه ليهــــــا ولي
قطع القسم وقطع الضي
الحـــــــــــظ السئ
علي وعـ السفـرة والحي

جيب فنـاره
وضوي بيها عـ الحضّـــاره
خلي النجـــــع