Скачать или смотреть HIZI HAPA NJIA/MBINU ZA KUMFUKUZA TEMBO

Mamlaka ya Usimamizi wa Wanyamapori Tanzania - TAWA inaendelea kutoa Elimu kwa wananchi jinsi ya kawafukuza Tembo wanaingia kwenye maeneo yao ili kuondoa athari zinazotokana na Wanyama hao kwa Wananchi na Mali zao.

Afisa Mhifadhi TAWA Kanda ya Kati WINNIE KWEKA alisema hayo wakati akizungumza na Wananchi wa Wilaya ya Manyoni katika mkutano wa hadhara, ambapo alisema elimu hiyo inawasaidia wananchi kuzuia uharibifu unaoweza kufanywa na Tembo katika maeneo yao

Alisema kumekuwa na changamoto ya Tembo kuvamia maeneo ya wananchi hasa kwenye mashamba na kufanya uharibifu wa mazao na mali zingine.

KWEKA alisema kuna mbinu mbalimbali zilizofanyiwa utafiti na zikaonekana kuleta tija, ikiwa ni pamoja na kutumia TOCHI zenye mwanga mkali, hii inatumika hasa wakati wa usiku ambapo inatakiwa kuwasha na kuzima, kuwasha kwa sekunde kadhaa, hii humafanya Tembo kujua hiki sio kitu cha kawaida na kumfanya akimbie.

Njia nyingine ni kutumia VUVUZELA, KWEKA alisema kutumia Vuvuzela husaidia kumfukuza Tembo endapo Vuvuzela litakapopulizwa na kumpa Karaha Tembo, Tembo hukimbia eneo hilo ambalo kuna kelele za Vuvuzela.

Aliongeza pia ili kumfanya Tembo asizoee TOCHI au VUVUZELA, unaweza kutumia vyote kwa pamoja Tochi na Vuvuzela ili aone ni kitu ambacho sio cha kawaida pia, kelele za Vuvuzela huku Mwanga wa Tochi mkali, hali hiyo itamfanya aondoke eneo hilo kwa kuona eneo hilo sio salama kwao.

KWEKA alisema njia nyingine ni kutumia PILIPILI, hapa inatakiwa kuwa na Unga wa Pilipili ambao utatumika kutengeneza Uzio, hapa unatumia vitambaa na mchanganyiko wa Pilipili na Oil chafu, na kuweka (kuziba) kwenye mapito (njia) ya Tembo, ambapo harufu ya Pilipili itamwasha na kumpa karaha, hivyo kumfanya Tembo kushindwa kupita eneo ambalo umewekwa Uzio wa Pilipili.

Aidha KWEKA aliongeza njia nyingine kuwa ni Kutengeneza tofali la PILIPILI, utachukua Unga wa Pilipili utachanganya na Samadi ya Ng'ombe, utavuruga na kulifyatua tofali, likikauka unaenda kuliweka kwenye mapitio ya Tembo halafu utaliwasha mida ambayo Tembo hupita, ili ule Moshi wenye Pilipili umnyime pumzi na kumfanya Tembo ashindwe kupita eneo hilo.

Hata hivyo KWEKA alisema Tembo ni Mnyama wa Tatu kwa kuwa na akili nyingi baada ya Binadamu, hivyo ni muhimu kuchukua tahadhari kubwa wakati wa zoezi zima la kuwafukuza Tembo kupitia njia hizo.