Назокат Солиева 12 кратная чемпионка мира (Кишинев 2024). Armwrestling from Pap city. (Поп тумани)

Афсуски, саккиз йилдан буён ютқизиқсиз, жаҳонда ҳаммани ҳайратда қолдирган афсонавий 12 (ўн икки) карра Жаҳон чемпионимиз, 10-карра Осиё ва 55-карра Ўзбекистон чемпионимиз Солиева Назокат учун, юртимизга бўлган фидокорона хизматига муносиб мукофотлар бўлмади, ҳаттоки йиллик стипендияга номзод спортчилар рўйхатида хам йўқ.

Бизлар 2013 йилдан бошлаб ҳозиргача Наманган вилояти, Поп туманида армрестлинг спорт тури бўйича (шахсий спорт тўгарагида) мураббийлик (тренерлик) ва спортчи фаолиятимизни олиб боряпмиз. 2017 йилдан бошлаб 54-61 давлатлар ўртасида Ўзбекистон шарафини ҳимоя қилиб, 8 йил давомида, яқин 45 маротаба юртимизнинг Байроғини кўкка кўтариб келмоқдамиз.

Охирги умидимиз бу, ҳеч бўлмаса Жаҳон ва Осиё мусобақаларига ёнимиздан кетган харажатларимизни туман ёки вилоятимиз бюджетидан қоплаб бериш эди, лекин бошлиқларига қилинган хатларимизга қайтган жавоблари бир хил бўлди: "ПУЛ ЙЎҚ"... "ВАКОЛАТ ЙЎҚ"... "олимпия спорт турига ўтинглар, шунда силарда ҳаммаси бўлади".

"Нимага" деган савол? Тинимсиз машаққатли меҳнат, хар йили 50-60 гача қатнашган давлатлар ва яқин 1.500 қатнашган спортчилар сони, дунёнинг барча байроқларидан баланд кўтарилган ягона Ватанимизнинг байроғи, бутун жаҳонга жаранглаган Ўзбекистоннинг гимни, яна нима керак?

Сабаби маълум - бу "ноолимпия" спорт тури. Биздаги спорт бошқармалар "ноолимпия" ва "олимпия" спорт турларига бўлган муносабати, бу ХV-ХХ асрларда бўлган "оқ танли" ва "негрлар" ўртасидаги бўлган муносабатига ўхшаб шаклланди.

Майли, биз буларга ҳам кўникдик ва булар учун дуо қилдик, Худо бундай спорт тизимининг бошларига виждон, ақл ва донолик ато этсин.

"АГАРДА ДАВЛАТ ЎЗИНИНГ УЛҒАЯЁТГАН ЁШЛАРИНИ ҚАДРЛАМАСА ХАФА БЎЛИШГА ЎРИН ЙЎҚ, ХУДО БИЗЛАРНИ УНУТМАЙДИ!".