Скачать или смотреть लदाख पेटलं | लेह मध्ये आंदोलनाला हिंसक वळण | सोनाम वांगचूक | Gen-z revolution in ladakh?

भारत-चीनच्या सीमेलगत असलेला केंद्रशासित प्रदेश म्हणजे लदाख. या लदाखला राज्याचा दर्जा मिळावा यासाठी तेथील युवा जनतेनी लेह शहरात हिंसक आंदोलन सुरु केलं आहे, यामध्ये झालेल्या हिंसाचारात आत्तापर्यंत ४ जणांचा मृत्यू झाला असून ५० जण जखमी झाले आहेत. या आंदोलकांनी सीआरपीएफ च्या गाड्यांना आग लावली, जाळपोळ केली, पोलिसांवर दगडफेक केली, शिवाय, लेहमधले भारतीय जनता पक्षाचे कार्यालयही जाळून टाकले. त्यामुळे पोलिसांना आंदोलकांवर लाठीचार्ज करावा लागला. originally हे आंदोलन पर्यावरण कार्यकर्ते सोनम वांगचूक यांनी शांततेच्या मार्गाने सुरु केले होते, त्यांनी उपोषणाला सुरुवात केली होती. शिवाय लेह अपेक्स बॉडी या आंदोलनाचे नेतृत्व करत होती. २४ सप्टेंबर रोजी लदाख बंद ची मागणीदेखील ठेवण्यात आली होती. या आंदोलनकर्त्यांनी केंद्र सरकारपुढे चार मागण्या ठेवल्या होत्या – एक म्हणजे, लदाखला राज्याचा दर्जा दिला जावा, दुसरी म्हणजे, लदाखला सहाव्या अनुसूचीमध्ये समाविष्ट करून घेतलं जावं, तिसरं म्हणजे, लेह आणि कारगिलला संसदेत स्वतंत्र जागा दिल्या जाव्यात आणि चौथं म्हणजे, लडाखमधील जातीजमातींना आदिवासी हा दर्जा दिला जावा.
लेहमधील युवा जनतेने या आंदोलनाला समर्थन देत यात मोठ्या संख्येने सहभाग घेतला. उपोषणाला बसलेल्या काही लोकांची तब्येत खालावली आणि त्यांची परिस्थिती गंभीर झाली त्यामुळे या आंदोलनातील तरुणांमध्ये असंतोषाची लाट पसरली. अगोदरच बेरोजगारीने ग्रासलेल्या तरुणांमध्ये तेथील व्यवस्थेविषयी राग आणि frustration होतंच, आणि त्यामुळे या आंदोलनाला हिंसक वळण मिळालं.