مدام ان الزمن قاسي ومدات الليالي شحاح صالح ال مانعة

مدام ان الزمن قاسي ومدات الليالي شحاح
ترا مـــال للفقــــير الا يمــــد ايــــده لخلاقه

وانا منفضل ربي عشت في وقت العنا مرتاح
والى جـــــار الزمن ماقمت احاتي نوض براقه

لو ان قفل الزمن ماله مع بعض العرب مفتاح
فلا ضني بتلقــــى واحــــــــد طعم العسل ذاقه

ولكــــن خلقت الدنيـــا كذا والــــرابح المنزاح
عن هموم الزمان اللي صدوفة تخلف الفـــــاقه

ومــــدام انــــي على مايرام وخاطري منساح
فمـــوضوع الزمن مافيه داعي نكشف اوراقه

ابدلـــه عن صواديف الزمـــان اللي حياه رياح
وادله نفســـي بشـــي عليــــه النفس سبـــــاقه

رعــاك الله ياللـــي طال صبري لين سدي باح
وقلبـــي فـــي يديك بابه ومفتــــاحه ومغلاقه

اســــوج الرجل واقدامي على درب الغلا سراح
وقلبـــي في غلا حضرة جــــنابك مــاحد ا عاقه

عطيتك من بعض روحي على خبر القلوب صحاح
وبـــديتك علــــى نفســــي بشي يصعب انفاقة

وفي كسرة عصا تزعل وتحرق شجرة التفاح
وتكويني على الضلع القصير وتنضج احراقه

لونك تكتشف حزنا تتكامل في الضمير وساح
دريت انك لك مكان في ضميري تنزف اشواقة

تراء مال الزعل داعي تغانم فرصتك يا صاح
تغانم فرصتك قبل الزمن يقفي الزمن بمعلاقة

تعــــال وعـــالج جــــــــروحي الحزن وكل شي راح
تعـــــال وجـــدد امـــالك ترى الايـــــام سراقه

ســــرقت القلـــــب واثرك معتــــــــبرها سرقة المزاح
حدن شافــــه ضحــــــــك وان ماحدن شافه رفع ساقه