ათე ძღაბი - გური ოტობაია (მეგრული ლექსი)

  / megrelianlanguage   - შემოგვიერთდით მეგრული ენის გვერდზე!
ჸათე ძღაბი - გური ოტობაია

ჸათე ძღაბი, ჸათე რინტუ
მალას ხეშე გეგნოზგირტუ,
მიტირტინჷ დო მიკეკუანს,
აკაბურცხა ვამიკინდუ.
ბოგიშჷ ბოგიშჷ ბოგი მაფუ,
ნიტე შურო სოთინჷ ვაპუ,
ქეთინმჯირუქ ოროს ვარა,
ხათე ხასლას ქელმარტყაპუ.
გამაღეთუ მინდორს ფცალუ,
ეკოფთხოზუნჷ მი ანძალუ,
ნაცალასუ ქეშეშხვართუ,
ირფელი ართო მაცანცალუ.
ამარჷ-ამარჷ სქუათ მოსქუ,
წყარშა კაბათ გენმათხოზუ,
იშქვიდუდუნჷ მიჩქუდუ დო
დახე მართუს ქენმოქოსუ.
ჩქიმი რინა მუშა ღირუ,
ქეთიძიცუ, ქეთიბირუ,
ხუჯის ხურხი ქიგნობდუ დო
ხელეფჷ კისერს ქიგომკირუ.
მართუშორო ზისხირჷ ფუნსუ,
გობჯუნუნს დო ქობსხუპუნსუ,
ჩქიმი ელხე ნტებული რე,
მი რე მოხუტოლუ გურსუ?!
ცას მუნაფაშჷ პირეფჷ მობუ,
უქვინჯე რე თოლიშჷ რობუ,
ბჯუნუნსუ დო ფუცქინუნსუ,
მემიჩქჷ დუდი ქომჸოროფუ.