HG: Çagalar baglarynda körpelere Täze ýyl sowgatlaryny satyn almak üçin ene-atalardan pul ýygnalýar

Şu günki programmamyzda:

Täze ýylyň öňüsyrasynda, sebitara transport serişdelerine, otly we uçar gatnawlaryna agram düşýär. Paýtagtda zähmet çekip, baýramçylygy maşgala agzalary bilen geçirmäge çalyşýan raýatlar, içerki migrantlar otly biletleriniň döwlet bahasynyň üstüne goşmaça töleg töläp, sebitlere aşmaga çalyşýar.

Mary welaýatynyň çagalar baglarynda terbiýeçiler körpelere Täze ýyl sowgatlaryny satyn almaga niýetläp, ene-atalardan 50 manatdan pul ýygnaýar. Maliýe ýagdaýy pes hojalyklar sowgatlary özleri taýýarlamagy teklip edýär, beýlekiler bolsa, bu pullaryň dolulygyna sowgatlara sarp ediljegine ynamsyz garaýar.

Russiýanyň goşunlary söweş meýdanynda öňe süýşmegini dowam etdirýärkä, gündogar Ukrainadaky frontuň köp böleginde çaknyşyklar boldy. Bu ýagdaý Kremliň strategiýasy baradaky çaklamalaryň fonunda dowam edýär.

Habarlaşmak üçin:
• Whatsapp: +420 724 168 989 we +420 773 797 383
• Telegram: @Azathabar

#habarlar