ជីវិតលោកឪពុក រៀបរៀងដោយសាមណេរ ចិត្តរក្ខិតោ សៅ ចាន់ណា Father's life by Sao Channa

ជីវិតលោកឪពុក រៀបរៀងដោយសាមណេរ ចិត្តរក្ខិតោ សៅ-ចាន់ណា
អ្វីៗគ្រប់យ៉ាង ដែលយើងឃើញផ្ទាល់នឹងភ្នែក ឮផ្ទាល់ នឹង ត្រចៀក យើងគ្រប់គ្នាតែងតែគិតថា វាហាក់បីដូចជាងាយស្រួលសម្រាប់យើងគិត ប៉ុន្តែសម្រាប់យើងធ្វើ ឬយើងប្រព្រឹត្តវិញនោះ អ្វីៗទាំងអស់ គឺ មិនងាយស្រួលដូចអ្វីដែល យើងគិតនោះទេការគិតវាងាយស្រួលជាជាងការធ្វើ។ដូចជារឿង ចង់ជ្រើសរើសគូស្រករ រៀបចំជីវិតបង្កើតគ្រួសារមួយ មានភរិយាមានស្វាមី និងការគ្រប់គ្រងនោះការរៀបចំបង្កើតគ្រួសារមួយ វាមិនលំបាកនោះទេ តែការគ្រប់ គ្រងគ្រួសារ ឱ្យមានសុភមង្គលទើបជារឿងលំបាក យ៉ាកយ៉ាប់ យ៉ាងពិតប្រាកដ ហើយក៏មាន រយៈពេលដ៏យូរអង្វែងផងដែរ គឺយ៉ាប់រហូតអស់មួយជីវិត ដំណើរជីវិតបែបណា ត្រូវដើរបប នោះ មិនអាចកែប្រែមិនអាចបន្ទោសអ្នកណាម្នាក់បានឡើយព្រោះយើងជាអ្នកជ្រើសរើស...ហើយយើងក៏ជាអ្នកសម្រេចចិត្ត
ដោយខ្លួនឯង ។
ដូចមានពាក្យគេលើកឡើងថា ធ្វើស្រែខុសមួយឆ្នាំត្រូវមួយ ឆ្នាំ បើខុសឆ្នាំនេះ អាចធ្វើឆ្នាំក្រោយសាជាថ្មីបានវិញ ព្រោះថា ធ្វើស្រែរំពឹងទឹកភ្លៀង ប្រវាស់ជាមួយនឹងមេឃ បើមេឃភ្លៀង ភោគផលដំណាំក៏បានផល តែបើមេឃមិនភ្លៀង ផលដំណាំក៏ មិនបានផ្លែផ្កាអ្វីដែរ។
ប៉ុន្តែ រឿងរៀបចំអនាគតជីវិតវិញនោះ បើរើសគូស្រករ ឬប្រពន្ធប្តីវិញនោះ បើខុសតែម្តងហើយ គឺពិតជាខុសអស់មួយ ជីវិត ហើយគ្មាននរណា អាចជួយនរណាបានឡើយ។ ហេតុដូច្នេះហើយ បានជាពេលនេះ ខ្ញុំលើកយក នូវ រឿងរ៉ាវខ្លះៗ ដែលទាក់ទងទៅនឹង ជីវិតរបស់លោកឪពុក មកសរសេររៀបរាប់រ៉ាយរ៉ាប់ ប្រាប់ដល់អ្នកគ្រប់គ្នា ឱ្យបានអានគ្រាន់នឹងបានពិចារណាសិក្សាឱ្យបានដឹង
នូវអត្ថន័យសេចក្ដីខ្លឹមសារ នៃខ្សែជីវិតរបស់លោកឪពុក ឱ្យបានដឹងកាន់តែច្បាស់ថា ពាក្យថាឪពុក គឺជាពាក្យមួយម៉ាត់ ដែលក្នុងនាមយើង ជាកូនៗគ្រប់គ្នា តែងតែហៅមិនដាច់ពីមាត់ អ្នកខ្លះហៅថា ពុក អ្នកខ្លះហៅថា ប៉ា ហើយអ្នកខ្លះទៀតក៏ហៅថា ឪ មានតែពាក្យ ថា ពុកនេះទេ ដែលអ្នកម្ដាយគ្រប់រូប តែងតែបង្គាប់ឬបង្ហាត់ ឱ្យកូនរៀនហៅ ឬបង្រៀនកូនឱ្យចេះហៅ ពាក្យដែលកូនខ្មែរ គ្រប់រូបចេះនិយាយ ឬចេះថាមុនគេទាំងមិនច្បាស់ផងនោះ គឺជា ពាក្យពុកពាក្យម៉ែនេះឯង ដែលកូនខ្មែរចេះហៅមុនគេបង្អស់ ហើយក៏ដក់ជាប់នៅក្នុងចិត្ត ឬក្នុងបេះដូងរបស់កូនៗគ្រប់គ្នា ដែលមិនអាចបំភ្លេចបាន។
ហើយពាក្យថា ពុកនេះដែរ គឺជាពាក្យ ដ៏ពេញនិយមច្រើន ជាងគេ ដែលកូនហៅហើយ មិនចេះជិនណាយ ហើយក៏មិន ហួសសម័យកាលដែរ សម័យណាក៏គេហៅដែរ គឺគ្រប់សម័យ កាល ណាៗទាំងអស់ មិនថាសម័យកាលនេះ ឬសម័យកាលមុនៗនោះទេ គឺគេហៅដូចគ្នា ហៅពេញៗមាត់គ្រប់រូបគ្រប់គ្នា ហៅហើយចង់ហៅទៀត ហៅដោយរីករាយ ហៅដោយពេញ ចិត្តគឺជាពាក្យ ដ៏ពីរោះរណ្ដំលាយឡំទៅដោយការអាណិត និងសេចក្តីស្រឡាញ់ ចេញពីដួងចិត្តចេញពីបេះដូងរបស់ឪពុក ដែល មានចំពោះកូនៗ។ បើឡឃល្អតង sing are ប៉ុន្តែ យើងជាកូនៗគ្រប់គ្នា គឺមិនបានយល់ដឹង នូវខ្សែ ជីវិតរបស់លោកឪពុក ថាតើជីវិតរបស់លោកឪពុក ត្រូវ ជួបប្រទះនូវរឿងរ៉ាវអ្វីខ្លះ? ក្នុងមួយឆាកជីវិតរបស់គាត់ តើបាន ឆ្លងកាត់នូវបញ្ហា ឬឧបសគ្គអ្វីខ្លះ? តើគាត់ត្រូវធ្វើអ្វីខ្លះ? ហើយប ពុក ត្រូវទទួលខុសត្រូវ នៅក្នុងគ្រួសារទាំងមូល ពុកត្រូវ ចិញ្ចឹមកូន និងភរិយា ត្រូវធ្វើការងារស្វែងរកទ្រព្យសម្បត្តិ ដើម្បី យកមក ទុកផ្គត់ផ្គង់នៅក្នុងគ្រួសារជារៀងរាល់ថ្ងៃ ពុកត្រូវបញ្ជូន កូនឱ្យបានរៀនសូត្រ !!! តាំងពីថ្នាក់មតេយ្យរហូតដល់ថ្នាក់ខ្ពស់ មានចំណេះដឹងខ្ពង់ខ្ពស់ អាចរស់ទីពឹងខ្លួនឯងបាន! នៅថ្ងៃរោយ ពុកត្រូវខិតខំខ្នះខ្នែង ប្រឹងប្រែងស្វែងរកអនាគត ឱ្យកូន ទោះបី ពុកត្រូវលំបាកយ៉ាកយ៉ាប់ ធ្វើការនឿយហត់យ៉ាង ណាក៏ដោយ ដើម្បីកូន ពុកធ្វើទាំងអស់ ពុកធ្វើគ្រប់យ៉ាងមិនរួញ រាមិនរាថយឡើយ នេះហើយគឺជាទឹកចិត្តពិតរបស់ពុក ដែល មានចំពោះកូន គឺជាភារៈដ៏ធ្ងន់ណាស់សម្រាប់ពុកផងដែរ ពុក ខ្លះមានមុខរបរជាថៅកែក្រុមហ៊ុន ខ្លះជាគ្រូពេទ្យ
ខ្លះជាគូ្របង្រៀន ខ្លះជាអាជីវករ ខ្លះជាកសិករ ខ្លះជាកម្មករសំណង់ ខ្លះជាអ្នករត់ម៉ូតូឌុប ខ្លះជាអ្នកសុំទាន ខ្លះជាអ្នកបម្រើគេ ខ្លះជា អ្នកនេសាទ ខ្លះជាអ្នកប្រមាញ់បរបាញ់សម្លាប់សត្វ ដោយគ្មានញញើតដៃទាំងតូចទាំងធំ ខ្លះជាអ្នកលក់លៀសហាល ខ្លះជាអ្នករើសអេតចាយ ខ្លះជាកម្មករឆ្លងដែន ទាំងអស់នេះ គឺជាការងាររបស់លោកឪពុក គឺជាភារៈរបស់លោកឪពុក អ្វីក៏ ពុកធ្វើដែរឱ្យតែបានប្រាក់ ដើម្បីយកមកចិញ្ចឹមកូន ពុកមិនដែលើសអើងថាការងារនោះ || ជាការងារថោកទាប ត្រូវគេមើល ងាយមើលថោកក៏ដោយ ក៏ពុកធ្វើដែរព្រោះដើម្បីកូន។
ពុកខំធ្វើការដើម្បីលុយ ពុកហ៊ានប្រថុយដើម្បីប្រាក់
ពុកខំលីសែងញើសសស្រាក់ ពុករកទុកដាក់ចិញ្ចឹមកូន។
ពុកខំពុករកទាំងយប់ថ្ងៃ ពុកខំសំចៃទុកឱ្យស្ងួន ការទំនួល
ពុកនឿយម្ដេចម្ដាបិទមាត់សូន្យ ពុកស្ទើរស្លាប់ខ្លួនក៏មិនស្ដី។
ពុកខំរាល់ថ្ងៃគ្មានទំនេរ ពុកស៊ីឈ្នួលគេទិញចំណី
ពុកធ្វើសំណង់ខំរកដី ពុកធ្វើអ្វីៗឱ្យកូនឆ្អែត។
ពុករកប៉ុន្មានបានផ្គត់ផ្គង់ ពុករៀបបម្រុងទុកថ្ងៃស្អែក
ពុកចិញ្ចឹមកូនទាំងទឹកភ្នែក ពុកខំពុនរែកតែម្នាក់ឯង។
ពុកខំស្វះស្វែងក្រែងវេទនា ពុកធ្វើការងារក្រោមសូរ្យសែង
ពុកខំពុនរែកថ្ងៃក្តៅហែង ពុកខំប្រឹងប្រែងរកទ្រព្យា។
ពុកខំពីក្មេងរហូតចាស់មក ពុកនឿយហត់ណាស់កូនពុំងា
ពុកគ្មានកម្លាំងព្រោះគ្រាំគ្រា ពុកគ្មានវេលាមើលថែកូន។
ពុកមានភារៈត្រូវរ៉ាប់រង ពុកជាបង្គងសម្រាប់ស្ងួន
ពុកសែនលំបាកទុក្ខផ្ទួនៗ ពុកស៊ូយកខ្លួនការពារថ្លៃ។
ពុកយកកម្លាំងធ្វើដើមទុន ពុកធ្វើការធ្ងន់រៀងរាល់ថ្ងៃ
ពុកឈឺទាំងអស់សព្វសរសៃ ពុកឈឺស្ទើរក្ស័យពេញរាងកាយ។
ពុកខំបំពេញសព្វកិច្ចការ ពុកឈឺម្ដេចម្តាចិត្តខ្វល់ខ្វាយ
ពុកនៅមិនសុខពេលឃ្លាតឆ្ងាយ ពុកដើរសុំបាយឱ្យកូនហូប។
ពុកហ៊ានសម្លាប់សត្វបក្សី ពុកនេសាទត្រីយកធ្វើម្ហូប ឧ
ពុកអាណិតកូនគ្មានអ្វីហូប ពុកយកបាយស្រូបទឹកអំបិល។
អគុណ