Surxonlik aka-uka polvonlar IIBda shavfqatsiz urilganini iddao qilmoqda

Тоғли қишлоқда қўлбола фитнес ясаб, ўзидан уста полвон ва чавандоз ясаган сурхондарёлик ака-ука Денов ҳибсхонасидан ўлар аҳволда чиқди, улардан кичиги ётоққа михланди.
Сурхондарёда номи чиққан полвон ака-ука Ёқубовлар ИИБ ходимлари уларни калтаклаганини даъво қилмоқда, ИИБ буни инкор қилмоқда.
Бу шикоят Озодликка Ўзбекистонда қийноқдан бўлган ўлим учун масъул шахсларга жавобгарлик кучайтириш тўғрисидаги қонун лойиҳаси муҳокама қилинаётган бир пайтда келди.
12 августдан 27 августгача муҳокамага қўйилган лойиҳа ушбу жиноятни содир этганларга 8 йилдан 10 йилгача қамоқ жазосини назарда тутади.
Бу Шавкат Мирзиёев президентликка келганидан буён аввалги президент Каримов даврида Ўзбекистонга панжара ортидаги қийноқлар учун ёпиштирилган тамғадан қутулиш йўлида қабул қилинган ўнлаб қонундан навбатдагисидир.
Инсон ҳуқуқлари ва жамоатчилик фаоллари сўнгги бир неча йил ичида айнан панжара ортига қисқа муддатга ташланган шахслар ўлимининг ортиши - катта ваъдалар билан қабул қилинган қонунлар аслида амалда ишламаётгани исботи, демоқда.
Озодликка тинимсиз келаётган шикоятлар эса куч ишлатар идоралар, айниқса ИИВ тизимларида қийноқлар ҳануз кенг қўлланаётгани ва аксар ҳолларда ҳибс қилинганлар ўлими, ногиронлигига сабаб бўлаётганини кўрсатмоқда.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

Tog‘li qishloqda qo‘lbola fitnes yasab, o‘zidan usta polvon va chavandoz yasagan surxondaryolik aka-uka Denov hibsxonasidan o‘lar ahvolda chiqdi, ulardan kichigi yotoqqa mixlandi.
Surxondaryoda nomi chiqqan polvon aka-uka Yoqubovlar IIB xodimlari ularni kaltaklaganini da’vo qilmoqda, IIB buni inkor qilmoqda.
Bu shikoyat Ozodlikka O‘zbekistonda qiynoqdan bo‘lgan o‘lim uchun mas’ul shaxslarga javobgarlik kuchaytirish to‘g‘risidagi qonun loyihasi muhokama qilinayotgan bir paytda keldi.
12-avgustdan 27-avgustgacha muhokamaga qo‘yilgan loyiha ushbu jinoyatni sodir etganlarga 8 yildan 10 yilgacha qamoq jazosini nazarda tutadi.
Bu Shavkat Mirziyoyev prezidentlikka kelganidan buyon avvalgi prezident Karimov davrida O‘zbekistonga panjara ortidagi qiynoqlar uchun yopishtirilgan tamg‘adan qutulish yo‘lida qabul qilingan o‘nlab qonundan navbatdagisidir.
Inson huquqlari va jamoatchilik faollari so‘nggi bir necha yil ichida aynan panjara ortiga qisqa muddatga tashlangan shaxslar o‘limining ortishi - katta va’dalar bilan qabul qilingan qonunlar aslida amalda ishlamayotgani isboti, demoqda.
Ozodlikka tinimsiz kelayotgan shikoyatlar esa kuch ishlatar idoralar, ayniqsa IIV tizimlarida qiynoqlar hanuz keng qo‘llanayotgani va aksar hollarda hibs qilinganlar o‘limi, nogironligiga sabab bo‘layotganini ko‘rsatmoqda.

#ozodlik #uzbekistan #tashkent #qiynoq #IIB