சுவையான மாங்காய் தொக்கு செய்வது எப்படி? நாவூறும் சுவையில்!

உச்சுக்கொட்டி சாப்பிட தூண்டும் ஊறுகாய் ரெசிபி! மாங்காய் தொக்கு செய்வது எப்படி?
Mango Thokku : அதில் மாங்காய் தொக்கு அனைவரும் விரும்பி சாப்பிடக்கூடிய ஒரு ஊறுகாய். சுவையும் அலாதியானது. ஒருமுறை சுவைத்துவிட்டால் அதன் சுவை நாவிலே தங்கிவிடும். அனைத்து வெரைட்டி ரைஸ், மீல்ஸ், சப்பாத்தி உள்ளிட்ட டிஃபன் அயிட்டங்களுடனும் சேர்த்து சாப்பிடலாம்.
ஊறுகாய் என்பது தென்னிந்தியாவில் சைட்டிஷ்ஷாக பயன்படுத்தப்படும் ஒரு உணவு. முக்கியமாக ஊறுகாய் இல்லாமல் விருந்துகள் நிறைவு பெறாது. ஊறுகாயில் ஒவ்வொருவருக்கும் ஒவ்வொரு பக்குவம் வரும். ஒரே பொருட்கள் என்றாலும் ஒவ்வொருவரும் ஒரு முறையில் செய்வார்கள்.
அதில் மாங்காய் தொக்கு அனைவரும் விரும்பி சாப்பிடக்கூடிய ஒரு ஊறுகாய். சுவையும் அலாதியானது. ஒருமுறை சுவைத்துவிட்டால் அதன் சுவை நாவிலே தங்கிவிடும். அனைத்து வெரைட்டி ரைஸ், மீல்ஸ், சப்பாத்தி உள்ளிட்ட டிஃபன் அயிட்டங்களுடனும் சேர்த்து சாப்பிடலாம்.

இதை ஒரு மாதம் வரை வைத்துகொள்ளலாம். சாண்விட்ச்களிலும் ஸ்பிரெட்டாக பயன்படுத்தலாம். ஆனால் இதன் சுவையால் உங்கள் வீட்டில் எவ்வளவு செய்தாலும் சில நாட்களிலேயே காலியாகிவிடும்.

தேவையான பொருட்கள்
துருவிய மாங்காய் – 2 கப்

மிளகாய் தூள் – 2 ஸ்பூன்

பெருங்காயம் – ஒரு சிட்டிகை

கறிவேப்பிலை – ஒரு கொத்து

(தேவைப்பட்டால் நீங்கள் கறிவேப்பிலை சேர்த்துக்கொள்ளலாம். இது முற்றிலும் உங்கள் தேர்வுதான்)

மஞ்சள் தூள் – கால் ஸ்பூன்

உப்பு – ஒரு ஸ்பூன்

எண்ணெய் – தாராளமாக 5 டேபிள் ஸ்பூன்

(ஊறுகாயில் முக்கியமான ஒன்று எண்ணெய்தான். எனவே இதை நீங்கள் அதிகம் சேர்க்க வேண்டும். இந்த எண்ணெய்தான் அதை நீண்ட நாட்கள் கெடாமல் வைத்திருக்க உதவுகிறது.

கடுகு – 1 ஸ்பூன்

வெந்தயம் – அரை ஸ்பூன்

செய்முறை
மாங்காயை தோல் சீலி துருவி வைத்துக்கொள்ள வேண்டும்.

கடாயில் மொத்த எண்ணெயையும் சேர்த்து சூடாக்கி, கடுகு, வெந்தயம், பெருங்காயம், கறிவேப்பிலை சேர்க்க வேண்டும்.

அது பொரிந்தவுடன், துருவிய மாங்காய், மஞ்சள் தூள் சேர்க்க வேண்டும். இதை 3 நிமிடங்கள் நன்றாக வேகும் வரை வதக்க வேண்டும்.

பின்னர் மிளகாய் தூள், உப்பு சேர்த்து நன்றாக கலந்துகொள்ள வேண்டும். குறைவான தீயில் அடுத்த 5 நிமிடங்கள் வேக வைக்க வேண்டும். எண்ணெய் பிரிந்து வரும் வரை நன்றாக வேகவிடவேண்டும். ஒரு அடிக்கணமான பாத்திரத்தை பயன்படுத்த வேண்டும். மேலும் அடிக்கடி கிளறிவிட்டுக்கொண்டேவும் இருக்க வேண்டும். அப்போதுதான் ஊறுகாய் அடிபிடிக்காது.

தேவையான அளவு வெந்தவுடன் அடுப்பை அணைத்துவிடவேண்டும். இதை ஒரு கண்ணாடி பாட்டில் அல்லது பீங்கான் பாட்லில் போட்டு வைத்துவிடவேண்டும். இது ஒரு மாதத்திற்கு வரும்.