Erna Yuzbashyan - Siro Gisher (Սիրո Գիշեր)

Music: Khachatur Avetisyan (Խաչատուր Ավետիսյան)
Dir.: Arman Aghajanyan (Արման Աղաջանյան)
Lyrics: Ludvig Duryan (Լյուդվիգ Դուրյան)

Սերս տանջող անուշ ցավ` լցված երազով,
Այս գիշերն էլ լուսացավ աչքերիս լույսով.
Ինձ հետ աստղերը բոլոր քեզ էին հիշել,
Արցունքիս մեջ քեզ նորից տեսա այս գիշեր:

Ախ՜, երբ լուսնի շողերն իջան իմ մազերի մեջ,
Ես կարծեցի, քո մատներն են իմ մազերի մեջ,
Ամբողջ գիշեր լուսնի պայծառ շողերը իջան,
Ու իմ սրտին քո կարոտի դողերը իջան:

Լույս են դարձել ճամփեքին կարոտներս վառ,
Քեզ սիրելը հեշտ եղավ, ատելը` դժվար:
Հուզված սրտիս նման է աղբյուրը երգում,
Հավքը գտել է հավքին, ես քեզ չեմ գտնում:

Ախ՜, երբ լուսնի շողերն իջան իմ մազերի մեջ,
Ես կարծեցի, քո մատներն են իմ մազերի մեջ,
Ամբողջ գիշեր լուսնի պայծառ շողերը իջան,
Ու իմ սրտին քո կարոտի դողերը իջան:

#ernayuzbashyan #ernayuzbashian #sirogisher