Adliya vaziri o'rinbosari: "Qora tarix" demaymiz, xatolar o'zimizniki

Vashingtonda uch kun turli tashkilotlarning vakillari bilan O'zbekistondagi jarayonlar va mamlakatning global reytinglar va ro'yxatlardagi o'rni haqida muloqot olib borgan 10 rasmiydan biri, Adliya vaziri o'rinbosari Xudoyor Meliyev fikricha, dunyo hamjamiyati respublika haqida sayoz axborotga ega. Shaffoflik O'zbekistonning nufuzini va unga nisbatan ishonchni oshirishi aniq. Lekin bu borada nima ishlar qilinmoqda? "Adliya vazirligi - eng ochiq vazirlik", - deydi Meliyev o'tgan yili Oliy Majlis Qonunchilik palatasi bergan bahoga ishora qilib. Rasmiy deydiki, tizim oshkoralik mevasini ko'ra boshlagan. Lekin xalq-chi? O'zbekistondagi biror o'zgarish dunyo uchun emas, xalq uchun qilinadi, deydi Meliyev. "Biz xalqning dardiga darmon bo'lishga bel bog'laganmiz. Adolatsizlikning oldini olish, inson huquqlari himoyasi uchun xizmat qilishga bel bog'laganmiz," deydi u. Meliyev bilan suhbatda O'zbekistonning yaqin 30 yillik o'tmishi, tarixiy saboqlarga ham to'xtaldik. Adliya vaziri o'rinbosari bilan intervyuni shu sahifada tomosha qiling.