30 iyul Beynəlxalq Dostluq Günü münasibətilə tədbir keçirilib

Beynəlxalq Qalereyada 30 iyul Beynəlxalq Dostluq Günü münasibətilə tədbir keçirilib. Tədbirdə World Art Club, Beynəlxalq Qalereya və Serus Qalerinin birgə layihəsi olan onlayn sərginin iştirakçıları mükafatlandırılıb. Beynəlxalq Qalereyanın direktoru Elnurə İsgəndərova iştirakçıları Beynəlxalq Dostluq Günü münasibətlə təbrik edib. Dostluğun önəmindən, dünyada dostluq əlaqələrinin inkişafından söhbət açdı.
Layihə haqqında məlumat verən Elnurə İsgəndərova indiyə qədər “World Art Club”la bir neçə sərgi keçirdiklərini, “Serus Qaleri” ilə isə ilk dəfə əməkdaşlıq etdiklərini diqqətə çatdırıb. Tədbirdə iştirak edən rəssam müəllimlərdən Məlik Əliyev, ART Studionun Rəhbəri Gövhər Məmmədova, Şəhanə Tədris Mərkəziinin direktoru Şəhanə Əliyeva yaradılan şəraitə görə təşəkkür edib, xarici ölkələrdə tanınmaq üçün belə tədbirlərin böyük əhəmiyyətə malik olduğunu bildirdilər. Daha sonra iştirakçılara təltif olunduqları sertifikatlar təqdim olunub.
Sonda rəssam uşaqlar tərəfindən Beynəlxalq Dostluq Gününə həsr olunmuş Flaşmob təqdim olunub.
Əyləncəli və maraqlı keçən tədbir xatirə şəkillərinin çəkilməsi ilə yekunlaşıb.