Скачать или смотреть Të kishte ngjyra malli im

Teksti: Artur Balli
Muzika: Bruko Broadcast Radio-
Këngë origjinale-
#arturballi
#brukobroadcastradio
#dëgjoedheti

Të kishte ngjyra malli im, i përvëluar
Edhe ti derdhja, që të gjitha, mbi telajo
Do të shikonit një dekor, gati rrënqethës
Me gjith’ magjinë e njëmijë ngjyrave të vjeshtës.
Por, ah, më kot!
Ky malli im është veç dhimbje e paemër
Që rrugë s’gjen,
Por djeg e vdes brenda në zemër.

Të kishte tinguj malli im i drithëruar
Edhe ti varja përmbi tela pentagramesh
Do të dëgjonit, frymëndalur, nga një kor
Këngën sublime që shkrin shpirtin njerëzor.
Por, ah, më kot!
Ky malli im është veç dhimbje e paemër
Që rrugë s’gjen
Por djeg e vdes brenda në zemër.

Të kishte lotë malli im i pambaruar
Dhe ti pikoja, butësisht, mbi sytë tuaj
Do të shikonit tej kristalit-lot, të ndrisë
Mespërmes qíellit, ylberi i dashurisë.
Por, ah, më kot!
Ky malli im është veç dhimbje e paemër
Që rrugë s’gjen
Por djeg e vdes brenda në zemër.