Ussangoda Beachside Camping Vlog ~ 2023

Ussangoda Beachside Camping 2023
.
#ussangoda #beach #downsouth #beachcamping #southern #visit #visitsrilanka #mathara #galle #vlog #travel #travelvlog #funny #travelphotocall

• දිනය : 2023 මාර්තු මස 04
.
.
.
පෙර දිනයේ වූ පූර්ව සූදානම එදින උදෑසන මහත් අස්වැසිල්ලක් වෙමින් අප අවදී වී තිබුණේ දුම්රිය පැමිණෙන වෙලාවට අඩ හෝරාවකට පෙරයි..විදුලියක් මෙන් පිබිඳි සැවොම ලහි ලහියේ මුහුණ කට සෝදන් සැරසුනේ දුම්රිය මඟහැරෙන වරදින් අත්මිදෙන්නට බව සැවොම දැනගත්තේ දුම්රියපොළට ගොඩවූ පසුවයි...උදෑසන 4.45 දුම්රියෙන් ⁣අප කොළඹ බලා ඇදුනේ උදෑසන 5.50ට මරදානේ සිට බෙලිඅත්ත බලා ධාවන වන අර්ධ සීඝ්‍රගාමී දුම්රිය අපේක්ෂාවෙනි..

අවසාන මැදිරිය අපටම වෙන් කලාක් මෙන් හැඟීමක් ජනිත වූයේ අප එහි අසුන් ගත් පළමු පිරිස වීමෙනි..විවිධ කතාබස් අතරින් කාලය ගෙවී ගියේ නොදැනීමය..ගාල්ල මාතර පසු කරමින් දුම්රිය ලඟා වී තිබුණේ බෙලිඅත්ත දුම්රිය ස්ථානය වෙතයි..වෙලාව සවස 1 පසු වී තිබිණ... කෑමක් බීමක් ගැන නොසිතාම අප බසයකට ගොඩවැඳුනේ සැලසුම් කල පරිදිම ඇඳිරියට පෙර ගමනාන්තය සොයා ගැනීමේ අරමුණ ඇතිවයි..බෙලිඅත්තට සමුදුන් අපි ඉන්පසුව ලඟා වූයේ තංගල්ල නගරයටයි..පැයක පමණ කාලයක් තංගල්ල නගරයේ වීදිපුරා සැරිසැරූ අප පිපාසය නිවන්නට බීමක් මෙන්ම අවශ්‍යව තිබූ වියළිසලාක කීපයකිනුත් සන්නද්ධ වූයේ ඉන්පසු නැවතුම ගමනාන්තයම බව ඉටා ගනිමිනි..

වේලාව පස්වරු 4 පසු වී තිබිණි. අප ගමනාන්තයට ලඟා විය..මේ දකින්නේ අප නොඉවසිල්ලෙන් සිටි ඒ මනරම් වෙරළ තීරයයි..නමින් උස්සන්ගොඩ ⁣ලෙස හඳුන්වන මේ මනරම් භූමි භාගය දකින්නන්ගේ සිත් සතන් පුදුම කරවන්නෙ එහි ආඪ්‍ය වූ ආවේණික තුරුලතා සම්ප්‍රදාය යි..එය මඳක් වෙනස් ස්වරූපයක් ගන්නේය..මෙය සංරක්ෂණය උදෙසා වෙන්වූ රක්ෂිත කලාපයක්ද වන්නේය..එතරම් එහි සංවේදීතාවය ඉහළ මට්ටමක පවතී..

ආයෙමත් කතාවට..දිනයක නිමාව සනිටුහන් කරන්නට අපට අවැසි නොවුනි..ඒ මන්ද යත් එතරම්ම අප එහි සමීප ආශ්‍රිතයන් විය..කූඩාරම සකස් කර අවසන අප පිවිසියේ වෙරළ තීරය වෙතයි..නාන උන් නෑවා, නටන උන් නැටුවා, උපරිමයක් වින්දා..ඔය අතර සමහරෙක් කෑම බීම ගැනත් හිතුවා..නාගෙන ගොඩට එන සමහරක් අතරින් කිහිපයක් දර හොයන්නට පිටත් වුනා..අඳුර දැන් ලඟ ලඟ ඇවිත්..හැමෝම වගේ එක තැනකට එකතු වුනේ රාස්සියගේ අව්රැල්ල සැලකර ගිය විදානයක් අනුගමනයට මෙනි..දර හොයන්නට ගිය අය හොයන්නට තව කිහිපයක් යන්නට වුනත් දර අතැතිව සැවොම කූඩාරම් අසලට පැමිණියේ සම්පූර්ණයෙන්ම අඳුර අප වෙලාගත් පසුවයි..

මේ සුදානම නම් ගිණිමැලයකට පනපොවන්නටයි..වැඩ තුනකට කාර්යයබහුල වූ මිතුරු කැළ සියල්ල අවසන් කරමින් විඩා නිවනට ස්ථානගත වූයේ රාත්‍රි ආහාරයත් පිසීමෙන් අනතුරුවයි..එය තරු පිරි අහසකට හිමිකම් කී විචිත්‍රවත් රාත්‍රියක් විය..ඒ පෙර සිට අපගේ පැමිණීම දැන උන් නියාවෙනි..තරු දෙසා බලාගෙන මතකය අවදි කල අප බොහෝ දෑ සමඟ දොඩමළු වූයේ අතීතයේ මතකයන් වෙනස් ආරකින් නැවත රසවිඳිමිනි..

ඇත්තටම මේ අත්දැකීම විඳින උන් හඳුනන නොවිඳි උන් නොදැන විඳවන එකම ලෝකයක සරල බෙදුමකි..ඇත්තේ වෙනස් සිතුවිල්ලක් පමණි..එහි අවසන සොඳුරු මතක ගොන්නකි..කාලය ගෙවී ගොස් ඇත..මැදියම උදා වී ඇත..සිත සලිත කරවන ඇතැම් කතාබහ මැද්දේ අප නින්දට වැටුනේ මැදියමේ ඇද හැලුනු වැස්සකට ස්තූති කරමිනි..ඒ තවත් එක් නොමියන මතක රැඳි දිනයක නිමාවයි...

පසුදා පහන් විය..සීතල අලුයමේ හිරු උදාවට මිනිත්තු ගණනකට පෙරාතුව අප අවදි වූයේ මඟහැරෙන ඉර සේවයත් අලුයම අහසේ විචිත්‍ර බවත් දැකගැනීමේ අදිටනෙනි..එය යථාර්ථයක් වෙමින් කාරණා සියල්ලක් ඒ ලෙසින්ම ඉටු කරගත් අපි සූදානම් වුයේ ප්‍රබෝධමත් උදෑනක මිහිතලය හොවාගත් හිරු එළියට ආයුබෝවන් කියමින් උදෑසන ආහාරයට වග කියන්නටයි..

මඟනොඇරෙන ආසාවක් යලිත් දළුලාමින් නැවත වරක් වෙරළ පිවිසියේ යුහුසුළුව ඇඟපත සෝදාගෙන ආපසු ගමනට සැරසීමටයි..කොහේ ගියත් එකම බැවින් කාලය බල්ලට දාමා රිසිලෙසට නාගත් අප ආපසු එන්නට සැරසුනේ උදෑසන එක් දුම්රිය වාරයක් ද අතපසු කරමිනි..නැවත ගමනේ විඩාව සාපේක්ෂ අඩුබවක් දැනුනේ සාම්ප්‍රදායික සිතළුවක් විලසටයි..ලංගම ගම⁣නේ අද්විතීයත්වය පසක් කරමින් සැලසුම් සැඳි වෙලාවටත් කලින්ම දුම්රියට සේන්දු වූයේ මනරම් උස්සන්ගොඩ වෙරළ තීරයේ සුන්දරත්වය තවත් චිරාත් කාලයක් එලෙසම පවතින්නට හැකිවන පරිසරයක් ඒ සංවේදි භූමි කලාපයට තවදුරටත් ඉතිරි කරමිනි..පා සලකුණක් පමණක් ඉතිරි කරන්නට එහි යනඑන ඔබ මම සේම මානව සන්හතියේම පරම යුතුකමක් හා වගකීමක් වන්නේය..

කාලය ගෙවීගොස් ඇත..මතකයන් රැසක් එකතු කර බොඳිබැඳ ගත් අප බෙලිඅත්ත දුම්රිය පොළින් ගමන් ඇරඹූයේ අප ලක්දිවේ දකුණු කලාපයට හිමිකම් කියන තවත් සුන්දර වටිනා වෙරළ තීරයක දසුන් රැගෙන මෙලෙස ඔබ හමුවන අදිටනෙනි...

තවත් දවසක අලුත් මානයකින් ඔබ හමුවන බලාපොරොත්තුවෙන් සමුගනිමු...

මේ නොනිමි සංචාරයේ ⁣සොඳුරු ඡායාරූ ඇමතුමයි......❤🍃

( Travel Photocall )

• Videography & Photography By ; ( Vivo V20 )

✍️Audio Credits :

Track: Cartoon - On & On (feat. Daniel Levi) [NCS Release]
Music provided by NoCopyrightSounds.
Watch: http://ncs.lnk.to/OnandOnAT/youtube
Free Download / Stream: http://ncs.io/OnandOn
------------------------------------
Track: T-Mass & Britt Lari - Like Me [NCS Release]
Music provided by NoCopyrightSounds.
Watch: • T-Mass & Britt La...
Free Download / Stream: http://ncs.io/LikeMe
------------------------------------

• BHASHI - Mandaram Eli (මන්දාරම් එළි) - [Official Lyric Video] 2022
📌️   • BHASHI - Mandaram Eli (මන්දාරම් එළි) ...  

• Ussangoda | උස්සංගොඩ | Coverd by Ishara Akalanka
📌️   • Ussangoda | උස්සංගොඩ | Coverd by Isha...  

• BHASHI - Shoba [Garden Acoustic Version]
📌️   • BHASHI - Shoba [Garden Acoustic Version]  

• Sithin Ma Nosali | Flute Cover | Asitha Senavirathne | Green Session
📌️   • සිතින් මා නොසැලී | Sithin Ma Nosali |...  
.
.
.
.

©All rights reserved for the original artists

👇 Like, Share & Subscribe Our Channel

•Follow us on Instagram :   / travel_photocall  

Thank You !