خالد ال بريك - الناس تحسب ماعلي الا شماغ احمر وثوب - حصريا 2025

شيلة بمناسبة زواج خالد ماضي المغيري

كلمات معجب جريس


استوطني مثناة صدري ياذعاذيع الهبوب
اخلي سبيل الضيقه اللي كل ليله تلهده

لي وقت اجاهدها واكافحها وعيت لاتتوب
اصبر واكابر في سبيل تزين بكره وبعده

الناس تحسب ماعلي الا شماغ احمر وثوب
وانا علي من الهموم الغبر قومه وقعده

ساقتني ظروفي شمال وشف بالي في الجنوب
وجدي وجود اللي مراده في بلد غير بلده

اعفي خيال الشاعر الحساس يالريم اللعوب
بعض الطواري يمكن تقيد حروف المفرده

قامت تنصاني صواديف الزمن من كل صوب
ماعمرها جت لي شفوفي بارده ومبرده

لكن مهما صار تاتمشي لو انه دوب دوب
الرجل صكات الزمان تزيد عزمه وجهده

عندي يقين ان الظروف تمر تكفيرة ذنوب
احياناً العقده تحل الها عقود معقده

لاذعذع الغربي وقرص الشمس هايف للغروب
اخلو سبيل الشاعر المرهق ولاحدٍ ينشده

لو ماني بمعروف ومعرب مناسب ومحسوب
والله مداري راعي المنقود واللي ينقده

لكن مكانة ربعي الغالين في وسط القلوب
افداهم بمالي وبـ اعمالي ودم الاورده

ماجيت ادور شرهه ومفتاح جيب من الجيوب
الله يلعن من يدور للريال و يعبده

انا رفيقي لايضيق ولاتضيقبنا الدروب
لاجا لزومه يرفع حجاجه ويبشر بسعده

والله يبو ماضي ما اسوق العذر لو غيري ينوب
مهوب انا اللي لاعطا ميعاد يخلف فـ وعده

انت ابن عمٍ ماتغايب كل ماجات الوجوب
يفداك من يرقد عن الواجب عساها مرقده

خالد وفعلك خالد وطاريك لايمكن يذوب
اللي سواتك يستحق ان القصيد ايمجده

ابوك شيخٍ وقفته تنشاف لاجات الخطوب
والله وسبع انعام فـ الشايب وربعه وولده

اكرب حزامك وابتجح ربعك مفرجة الكروب
روسً على الطاله ونطح الموجبه متعوده

انتم مغايرت الكرم وانتم عطيبين الضروب
وانتم سند من حطكم في حزة الضيق سنده

حماية الوضحا الشناح اللي تدهج فـ العشوب
امتيهه في ضفكم و مطنفه ومقلده

هوماتكم وعزومكم لاعودت نارٍ شبوب
لو هازت الحزم المطرف يمكن تهد وتده

وقتٍ مضى يوم المعارك والمغازي والحروب
سطرتو التاريخ والتاريخ محدٍ يجحده

اموردت روس الرماح العلط لاذل الهيوب
كم راس قومٍ لارفع خشمه وطيتو جلمده

لافرع الغرو المليح وعود صياحه طنوب
اصفوفكم تقبل على صف الخصوم وتبجده

اليا اعتلا خيالكم في معرقت صفراً هذوب
يركد غبار المعركه ماطاح سيفه من يده
خالد ال بريك & صنهات حشر - ينكسر قلب الشجاع أن ذاق طعم الانهزامه 2024 حصريا
#خالد_ال_بريك_صنهات_حشر - #ينكسر_قلب_الشجاع
#خالد_ال_بريك_ابتعد_لاشفت_لي_جوً_مايعجبني_نظاامه
#انا_سجين
#عيونها_الثنتين
#خالد_ال_بريك