شيلة مهداه لـ سعادة الدكتور نايف بن فيصل بن لبده | كلمات:م.راكان عيد بن مدلج | أداء خالد ال بريك🇸🇦

شيلة مهداه لـ سعادة الدكتور نايف بن فيصل بن لبده | كلمات:م.راكان عيد بن مدلج | أداء خالد ال بريك🇸🇦

..


.
إشترك في قناة الساطي الرسمية
للحصول على أحدث إصداراته الفنية

لـ التصميم رابط الواتس مباشر ⤵️

‏https://api.whatsapp.com/send?phone=9...

تصميم
الساطي - القناة الرسميه

لمتابعة الساطي عبر سناب شات
‏  / 9vnvuhou  

#الساطي

يالله بقافن ياصل اللي تمناه
بأمرك يهون الامر يا ذا الجلاله

الهاجس ان زاد اول العلم واتلاه
خابرني آقف له على ما بداله

انا بدويً راس ماله حمياه
و من طيب راسه ما ذخر راس ماله

نكبر و يكبر كل حلمن رسمناه
ومافيه حلمن ندركه بالسهاله

ما نعترف بسياسة اللا مبالاه
ولا راح شي من الشغف جا بداله

المجد كسبه ما يجي بالمراواه
والعز بالقلطات في كل قاله

الله يطول عمر منهو تنصّاه
قافي وميقافي وياحي فاله

منصاه ابن لبده والامداح تزهاه
لاجا مجال المدح جبنا مجاله

عيديتن ما قلتها غير لرضاه
واليا قبلها جمّل الله حاله

شاعر وابهديه القصيده مغناه
و آنا تراني واحدن من عياله

سلام يا راسن طروقه مخلاه
معربن ما بين عمه و خاله

من مثل نايف ذخرنا لا عدمناه
حقه على بيوت القصيد الجزاله

من طيب رابعته و من قو مغزاه
من ضدته صكات بقعا عناله

يبين فرقه فالمكارم وفالجاه
يفرق مثل فرق الهدى والضلاله

غيره يسوون الجمايل مْباهاه
ونايف يسوي فالجمايل جماله

عرفه ومعروفه و قربه و لقياه
هذا ترى شيً كبيرً لحاله

و ابوه فيصل مجده بفعل يمناه
شيخن ردع قوم الفتن والجهاله

يوم الوطن حنا جنوده ونفداه
ارض النبوة والوحي والرساله

في ظل حاكمنا قويين بالله
سلمان سلمان الحزم والعداله

و محمد اللي قمة المجد مركاه
حتى سلاطين الدول في ظلاله

عرابنا اللي بالفعول المسماه
اعجاز و انجاز و طموح و رساله