Скачать или смотреть உங்கள் கிட்னி சிறப்பாக செயல்படுகிறதா !

செய்தி வெளியீடு

“கிராமப்புறங்களில், ஆரம்ப நிலையிலேயே காரணம் அறியப்படாத நாள்பட்ட சிறுநீரக நோய் பாதிப்பை கண்டறிவது முக்கியம்”

● காரணம் அறியப்படாத நாள்பட்ட சிறுநீரக நோய், (CKDu) விவசாய சமூகங்களையே அதிகளவில் பாதிக்கிறது; பூச்சிக்கொல்லி மருந்துக்கு வெளிப்படுவதும், மாசுபட்ட நீரை பயன்படுத்துவதும் இதற்கு காரணமாக இருக்கலாம் என்று சான்றுகள் சுட்டிக்காட்டுகின்றன.
● சிறுநீரக கோளாறு/செயல் திறனிழப்பு இந்தியாவில் பெரியவர்களை 10-15% அளவில் பாதிக்கிறது; எனினும் இந்நோயின் (CKD) ஆரம்பநிலை மீதான விழிப்புணர்வு மிகமிகக் குறைவாகவே இருக்கிறது.

மதுரை, மார்ச் 11, 2025: கிராமப்புறங்களில் வசிக்கும் விவசாய சமூகங்களை பெரும்பாலும் பாதிக்கும் ஒரு நோயான, காரணம் அறியப்படாத நாள்பட்ட சிறுநீரக நோயை புரிந்து கொள்வதற்கும், ஆரம்ப நிலையிலேயே அறிகுறிகளை கண்டறிவதை ஏதுவாக்க கிராம அடிப்படையில் திறன்மிக்க அடிப்படை சோதனை மற்றும் ஆராய்ச்சிக்கான அவசரத் தேவை இருப்பதை தென்தமிழ்நாட்டின் முன்னணி பன்முக சிறப்பு மருத்துவமனையான மீனாட்சி மிஷன் மருத்துவமனை மற்றும் ஆராய்ச்சி மையத்தின் சிறுநீரக ஆரோக்கிய சிறப்பு மருத்துவ நிபுணர்கள் அழுத்தம் திருத்தமாக சுட்டிக்காட்டியிருக்கின்றனர்.

ஒவ்வொரு ஆண்டும் மார்ச் 13 அன்று அனுசரிக்கப்படும் உலக சிறுநீரக தினத்தையொட்டி செய்தியாளர்கள் சந்திப்பு நிகழ்வை இம்மருத்துவமனை ஏற்பாடு செய்திருந்தது. சிறுநீரகவியல் துறையின் தலைவர் மற்றும் முதுநிலை நிபுணர் டாக்டர். K. சம்பத்குமார், சிறுநீரகப்பாதையியல் துறையின் தலைவர் மற்றும் முதுநிலை நிபுணர் டாக்டர்.R. ரவிச்சந்திரன் மற்றும் மீனாட்சி மிஷன் மருத்துவமனை மற்றும் ஆராய்ச்சி மையத்தின் மருத்துவ நிர்வாகி டாக்டர். கண்ணன் ஆகியோர் இந்நிகழ்வில் கலந்து கொண்டு இது குறித்த தகவல்களையும், தரவுகளையும் பகிர்ந்து கொண்டனர். தமிழ்நாடு மாநிலத்தின் கிராமப்புற மக்கள் தொகையில் 8-19 விழுக்காடுக்கு இடைப்பட்ட நபர்களிடையே காரணம் அறியப்படாத நாள்பட்ட சிறுநீரக நோய் (CKDu) காணப்படுவதை ஒரு சமீபத்திய ஆய்வு சுட்டிக்காட்டுவதாக அவர்கள் தெரிவித்தனர். நச்சுப் பொருட்கள், பூச்சிக்கொல்லிகள், மாசுபட்ட நீரை பயன்படுத்துவது மற்றும் வெப்ப அழுத்தம் ஆகியவற்றிற்கு வெளிப்படும் நிலைமையானது கிராமப்புற மக்களின் சிறுநீரக ஆரோக்கியத்தின் மீது கடுமையான பாதிப்பை ஏற்படுத்துகின்றன என்று அவர்கள் குறிப்பிட்டனர்.

மீனாட்சி மிஷன் மருத்துவமனை மற்றும் ஆராய்ச்சி மையத்தின் சிறுநீரகவியல் துறையின் தலைவர் மற்றும் முதுநிலை நிபுணர் டாக்டர். K. சம்பத்குமார் கூறியதாவது: “காரணம் உறுதியாக அறியப்படாத நாள்பட்ட சிறுநீரக நோயை எதிர்த்து போரிட பல்வேறு முயற்சிகளின் ஒருங்கிணைந்த நடவடிக்கை அத்தியாவசியமாக தேவைப்படுகிறது: குடிநீர் மற்றும் துப்புரவு நிலையை மேம்படுத்துவது, தொழில்/பணி சார்ந்த ஆபத்துகள் குறித்து கற்பிப்பது, ஆரம்ப அறிகுறியை அடையாளம் காண்பதை ஊக்குவிப்பது மற்றும் கிராம சுகாதார செயல்திட்டங்களில் எளிதில் அணுகிப்பெறக்கூடிய ஸ்கிரீனிங் (அடிப்படை சோதனை) செயல்பாட்டை ஒருங்கிணைப்பது ஆகியவை இந்த சமூகங்களுக்குள் காணப்படுகிற குறிப்பிட்ட இடர்காரணிகளை அடையாளம் காண்பதற்கு இலக்கு கொண்ட ஆராய்ச்சி அவசியமாகும்; அத்தகைய ஆராய்ச்சியை மேற்கொள்ளாமல் சிறுநீரக ஆரோக்கியத்தை பாதுகாப்பதற்கு தேவைப்படுகிற பயனளிக்கும் நடவடிக்கைகளை நம்மால் உருவாக்க இயலாது”.

இந்தியாவில் வளர்ந்து கொண்டே போகும் சிறுநீரக நோயின் பெரும் சுமை குறித்து குறிப்பிட்ட அவர், “நம் நாட்டில் சிறுநீரக நோய் என்பது வேகமாக வளர்ந்து வரும் கவலைக்குரிய பிரச்சனையாக இருக்கிறது. வயது வந்த மக்கள் தொகையில் ஏறக்குறைய 10-15% நபர்களிடம் சிறுநீரக செயலிழப்பின் அறிகுறிகள் வெளிப்படுகின்றன.நீரிழிவு, அதிக இரத்த அழுத்தம், ஆரோக்கியமற்ற உணவு முறைகள் மற்றும் சிறுநீரக பிரச்சனைகள் குடும்பத்தில் இருக்கும் வரலாறு போன்ற காரணிகள் பல நபர்களை இந்நோய் வருவதற்கான ஆபத்தில் வைக்கின்றன” என்று கூறினார்.

சிறுநீரக நோய்கள் பெரும்பாலும் மிகக் குறைவான அல்லது வெளிப்படையாக தெரியாத அறிகுறிகளுடன் சத்தமின்றி வளர்ந்து முதிர்ச்சியடைகின்றன; எனினும் குறிப்பிட்ட சில நுட்பமான மாற்றங்கள் சிறுநீரக கோளாறுக்கான சாத்தியத்தை சுட்டிக்காட்டலாம். சிறுநீர் கழிக்கும் எண்ணிக்கை குறிப்பாக இரவில் அதிகரித்திருப்பது அல்லது குறைந்திருப்பது, நுரைத்தல் அல்லது இரத்தம் கலந்திருப்பது போல சிறுநீர் தோற்றத்தில் மாற்றங்கள் போன்ற சிறுநீர் கழிக்கும் பாங்கில் மாற்றங்கள் இதில் உள்ளடங்கலாம். களைப்பு மற்றும் பலவீனம், கணுக்கால்கள்,பாதம் அல்லது கால்களில் விளக்க இயலாத வீக்கம் மற்றும் குறைந்திருக்கும் பசியுணர்வு அல்லது விருப்பம் ஆகியவை சிறுநீரக செயலிழப்பின் ஆரம்ப சுட்டிக்காட்டல் அம்சங்களாக இருக்கக்கூடும்.

ஆரம்ப நிலையிலேயே பாதிப்பை கண்டறிவதன் முக்கியத்துவத்தை வலியுறுத்திய டாக்டர். சம்பத்குமார், “சிறுநீரக நோயானது ஆரம்ப கட்டங்களில் பெரும்பாலும் எந்த அறிகுறிகளும் வெளிப்படுத்தாமல் சத்தமின்றி வளர்ச்சியடையும். எனவே இந்த பாதிப்பு நிலையை திறம்பட நிர்வகிப்பதற்கும் மற்றும் சிறுநீரக செயலிழப்பு போன்ற தீவிர சிக்கல்கள் வராமல் தவிர்க்கவும்ஆரம்ப நிலையிலேயே ஸ்கிரீனிங் (அடிப்படை நோய் கண்டறிதல்) சோதனையை செய்வது இன்றியமையாதது.