Скачать или смотреть Wayang Golek GH3 Prabu Suyudana Gugur (Audio Panggung, 2008) - H. Asep Sunandar Sunarya

Tema : Upaya pelestarian kesenian wayang golek melalui media sosial.

Wayang golék Giriharja 3 pingpinan Ki Dalang Asép Sunandar Sunarya ieu mangrupakeun rékaman panggung waktu ngagejrak di Alun-Alun Karangpawitan Karawang, tanggal 20 Desember 2008.

Perkawis eusi carita mah rupina parawargi tos pada aruninga, margi ieu kalebetna carita galur Mahabharata hususna bagéan tina perang Bharatayuda. Gugurna Suyudana sering ogé disebut Jaya Pupuhan. Tiap dalang bénten-bénten cara ngadalangkeunana. Rupina pikeun penggemar ki dalang Asép Sunandar mah moal aya bosenna. Béda panggung sok béda bobodoranana.

Mung hapunten pisan, dugi ka danget ayeuna, can tiasa ngaplod deui wayang golék Giriharja nu mangrupa video. Rupina tos jarang nu gaduh. Tapi sanaos mangrupa rékaman audio teu ngirangan apresiasi ti para wargi hususna penggemar wayang golék Giriharja 3.