Allah yer üzündə müxtəlif quruluşa sahib növbənöv ağaclar yaratmışdır. Bunların arasında ən çox rast gəlinəni yarpaq və budaqların bir-birinə əks istiqamətdə çıxan növlərdir. Toxum cücərib yer səthinə çıxdıqdan sonra iki ədəd yarpaq açır, bu yarpaqlar 180 dərəcəlik bucaqla bir-birinin tam əksi istiqamətdə yerləşir. Sonra inkişaf edən digər iki yarpaq isə ilk iki yarpağa çarpaz şəkildə inkişaf edir. Belə bir vəziyyətdə bir budağın ətrafında 90 dərəcəlik bucaqlara sahib dörd ədəd yarpaq düzülmüş olur. Yəni bu budağa üstdən baxsaq yarpaqların uclarının kvadratın təpə nöqtələrini əmələ gətirərək 90 dərəcəlik bucaqlarla düzüldüklərini və üstdəki yarpaqların bu sayədə altdakı yarpaqları örtmədiyini görürük. Bu, görməyə alışdığımız vəziyyətdir. Ancaq, bir çox insan yarpaqların niyə xüsusilə bu şəkildə açıb, inkişaf etdiklərini düşünməzlər. Halbuki bu, planlı və ağıllı bir yaradılışın nəticəsidir. Və məqsəd yarpaqların üst üstə çıxaraq bir-birinin üzərini örtməsinin qarşısını almaq və hamısının günəş işığından maksimum faydalanmasını təmin etməkdir.
Bitkilərdə yarpaqların çıxdığı nöqtələr riyazi bir düzülüşlə baş verir. Məsələn, çiyələk yarpaqları Fibonaççi ardıcıllığı olaraq bilinən riyazi cəhətdən xüsusi bir düzülüşə sahibdir. Qızıl nisbət adlandırılan və Orta əsrlərin ən nüfuzlu riyaziyyatçısı Fibonaççi tərəfindən tapılan bu ardıcıllığın xüsusiyyəti, ardıcıllıqdakı ədədlərin hər birinin özündən əvvəlki iki ədədin cəmindən meydana gəlməsidir.
Bu gördüyünüz Fibonaççi ardıcıllığıdır. İndi bu ədədlərin nə demək olduğunu daha yaxından nəzərdən keçirək. Bu ardıcıllıqdakı hər iki ardıcıl ədədin cəmi sonrakı ədədi verir.
Sıfırla birin cəmi bir. Birlə birin cəmi iki. Bir ilə ikinin cəmi üç, üç ilə ikinin cəmi beş, üç ilə beşin cəmi səkkiz... və ardıcıllıq bu şəkildə davam edir.
1, 1, 2, 3, 5, 8, 13, 21, 34, 55, 89, 144, 233, 377, 610, 987, 1597, 2584, ... şəklində artır.
Bu ardıcıllıqdakı hər bir ədəd özündən əvvəlki ədədə bölündükdə bir-birinə çox yaxın ədədlər alınır. Məsələn 3-ü 2-ə böldükdə 1,5; 5-i 3-ə böldükdə 1,6; 8-i 5-ə böldükdə 1,6 alınır. Ardıcıllıqdakı 13-cü ədəddən sonra bu nisbət sabit qalır. Məhz bu ədəd “qızıl nisbət” adlandırılan 1,618-dir.
Çiyələk yarpaqlarının düzülüşündə də Fibonaççi ardıcıllığı hakimdir; 2/5. Bu nisbət dünyanın hər yerindəki çiyələklərdə eynidir. Digər bitkilərin yarpaq düzülüşlərindəki nisbətlərə baxdığımız vaxt qarşımıza yenə Fibonaççi ədədləri çıxır. Məsələn, badam ağacının yarpaqlarının düzülüşü 5/13, böyürtkənin 1/3, cökə ağacının 1/2, armud ağacının isə 3/8 nisbətindədir. Bütün bu ədədlər Fibonaççi ardıcıllığındakı ədədlərdir. Təəccüblü olsa da həqiqətdir. Dünyanın hansı yerində olursa olsun bütün cökə ağaclarının yarpaq düzülüşündəki nisbət eynidir. Bu möhtəşəm nisbəti yaradılış möcüzəsi olaraq, bitkilərlə yanaşı təbiətdəki bir çox canlıda da görmək mümkündür.
Информация по комментариям в разработке