ប្រវត្តិអាថ៌កំបាំងល្អាងភ្នំចាស់ Phnom Chas Cave

ខេត្តកំពង់ស្ពឺ
ល្អាងភ្នំចាស់ជារមណីយដ្ឋានបុរាណវិទ្យា ដែលមានប្រវត្តិ រឿងរ៉ាវដ៏អាថ៌កំបាំង និងអបិយជំនឿជាច្រើន។ ទី រមណីយដ្ឋានបុរាណមានអាយុកាលរាប់ពាន់ឆ្នាំមកហើយ ដោយទីនេះធ្លាប់ជាទីកន្លែងរបស់មនុស្សសម័យបុរេប្រវត្តិរស់នៅផងដែរ។

ភ្នំនេះមានល្អាងបែកចេញជារូងតូចដល់ទៅ៣០ ដោយខ្លះមានពន្លឺចាំងចូលអាចឱ្យភ្ញៀវទេសចរចូលលេងបាន ខ្លះទៀតងងឹតស្លុងមិនសូវមានមនុស្សហ៊ានចូលនោះទេ ហើយក្នុងនោះមានល្អាងធំជាងគេមួយ គឺមានឈ្មោះថាល្អាងជង្រុក។

ម៉្យាងត្បិតពីសម័យដើមតំបន់ភ្នំចាស់ធ្លាប់មាន ជនជាតិភាគតិចសួយ រស់នៅ និងគ្រប់គ្រងដោយមេកន្ទ្រាញខ្លាំងពូកែម្នាក់ឈ្មោះ បាភ្នំ។ អ្វីដែលធ្វើឱ្យមានជំនឿកប់ជ្រៅចំពោះភ្នំនេះបន្ថែមនោះគឺថា ភ្ញៀវទេសចរដែលយកគ្រឿងស្រវឹងទៅផឹកស៊ីឡូឡានៅទីនោះ ឬនិយាយប៉ប៉ាច់ប៉បោចប៉ះពាល់ទីបុរាណនេះ ពួកគេអាចឃើញសត្វពស់ធំៗ សត្វខ្លា ឬសត្វសាហាវផ្សេងៗ មកបន្លាចឱ្យភ័យរត់ជាមិនខាន។ ​​

Oral District, Kampong Speu Province.
Kampong Spœ, Cambodia