جفران بن هضبان - ساري لحالي وودي بفترة انعزال 2024 حصرياً

ساري لحالي


قرب اللي صوت حسه وهو من فوق جال
حس هرش من عيال الثقيل الى هدر

لاستوا الخط المزفلت وطال الخط طال
والمسجل بين ادا خالد و حبكة سفر

ساري لحالي وودي بفترة انعزال
امتشبع من غثا الوقت وضروف الدهر

لي ثلاث ايام وانا على روس الطوال
كل مارقا لي طويله تجدد لي فكر

اجلس الحالي والى قلت للهاجس تعال
قال يالبيه وابشر وتامرني امر

اعشق من الشرد افكار من وحي الخيال
واتنقا في طريقي من الشرد درر

شاعرً واصخر القاف واجيب الجزال
لابغيته انحت الصخر واغرف من بحر

احمد اللي ياخوالي جعلكم لي خوال
والله اني فيكم افخر ويا كبر الفخر

في حفلكم ياخوالي ترا عذري محال
لو عذري ياخوالي من اسمان العذر

مرحبا وعداد ماينشي الوسمي خيال
عد برق لاح وعداد قطرات المطر

مرحبا باللي حضر من جنوب ومن شمال
مرحبا والمرحبا من طويلين العمر

مرحبا والكيف فنجال من صفر الدلال
مرحبا والعود الازرق يصاليه الجمر

مرحبا والفال طليان وامات السبال
مرحبا والقدر ماياسعه بطن القدر

يااحفاد الشايب اللي غدا مضرب مثال
مشبعٍ ضيفه وزبنه عما عين الخطر

من ل عليان الحمايا مخضبت السلال
من ل عليان المكارم طويلين الشبر

خيل الشرفا عزاويهم ف الاعتكال
من ينطاحهم ماوالله يسمع له ذكر

يقسمون الصف لو كان به دغش العيال
عشر منهو في ناحهم ماتبقى له عشر

من ال منصور الدهايا عريبين المجال
كم عقيداً من فعلهم شكى غبن وقهر

للخوي والضيف واللي يقاصرهم ضلال
وللعدو وادي عذاب كم وادي سقر

ربعي العذبه هل الطوله اللي ماتطال
ماتبنا بيوتهم كون في عالي مقر

مايشابهم على الارض ياكود الجبال
شامخه ماتحترك ثابته طول العصر

من بني مره هل العز وافين الخصال
خصهم ربي بخصيةٍ بد البشر

مابعد وخذت ابلهم وهي ترعا همال
وسمهم يمن ابلهم ولا يجيها قشر

غير قاصر فالقبايل ولكان لانازال
مثل ليله فالليالي كما ليلة قدر



كلمات :
عبدالرحمن محمد ال هلال




اداء :
جفران بن هضبان





تنفيذ :
اهتمام الدوسري



..

من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد

تصميم : اهتمام الدوسري
______________________

للتواصل والاستفسارات :
الحسابات الرسمية لـ قناة اهتمام الدوسري .

‏SNAPCHAT : P.5BF


‏Whatsapp : ‭050 608 9787‬









#ساري_لحالي
#وودي_بفترة_انعزال
#جفران_بن_هضبان