MUKHTARNAMA (مختارنامہ), 2016 (1438 HIJRI), NAUHA - S. SHUJA ABBAS ZAIDI

NAUHAKHWAN :: S. SHUJA ABBAS ZAIDI
KALAAM :: JANAB FIDVI NAQVI LAKHNAWI SAHEB
RELEASED BY :: ALI C.D. CENTRE, LUCKNOW

WO BADE HO KAR YAQEENAN SHER DIL HO JAYEGE
APNE BACHCHO KO SUNA DO WAQYA MUKHTAR KA

FIDVI KA AUR SHUJA KA MUKHTAR PAR SALAM
JISNE YAZEEDIYON SE LIYA KHOOB INTEQAM
JISKA HAI AASMAA KE SAHEEFO ME TAZKERAH
PESHEENGOYI KAR KE GAYE JISKI MUSTAFA S.W.


1. WALID ABU UBAIDA QABEELA SAQEEF HAI,
SAN 1 HIJRI USKI WILADAT SHAREEF HAI,
MASOOD DADA, NANA WAHAB, DOMAA WALIDA,
EK AUR NAAM MILTA HAI MADER KA HILLIYA,
BACHPAN ME PYAR KAR KE YE KAHTE THE BUTURAB,
MUKHTAR KAB CHUKAOGE DUSHMAN KA TUM HISAB,
MUKHTAR KI THI UMR ABHI TERAH SAAL KI,
THA ILM-O-FAN GHAZAB KA SHAJAT KAMAL KI


2. MUSLIM a.s. JO KOOFE AYE TO INKE YAHA RUKE,
PHIR HAANI APNE GHAR UNHE LE KAR CHALE GAYE,
MUJHTAR NE YE SOCHA KE TAQAT BADAI JAYE,
LONGO KO JAMAA KAR KE HUKUMAT GIRAYI JAYE,
KOOFEY KE AAS-PAAS JO DEHAT THE BASE,
MUKHTAR UNME JA KE MILE MOMENIN SE,
MOMIN MUJAHIDIN KA LASHKAR BANA LIYA,
SABKO SALAH-E-JANG-OJADAL(JUNGI LIBAS) SE SAJA LIYA,


3. AAYI KHABAR KE HOTA HAI MUSLIM a.s. SE MAREKA,
TEZI SE SIMT-E-KOOFA YE LASHKAR NIKAL PADA,
MUKHTAR KAHTE JATE THE YAARO BADE CHALO,
MUSLIM a.s. KA SAATH DENA HAI PYAARO BADE CHALO,
MUKHTAR KO THI FIKR KE RASTA TAMAM HO,
KOOFE PAHONCH KE HIFZ-E-SAFEER-E-IMAM HO,
MARDE BANI ASAD NE DI MUKHTAR KO SADA,
YAA SAYYADI NA JAIYE KOOFA GHAZAB HUA


4. DUKH KI KHABAR HAI MUSLIM-O-HAANI HUE SHAHEED,
MUKHTAR SUN KE TADPE HUA RANJ-O-GHAM SHADEED,
WO SHAKHS BOLA AISE ME KOOFA NA JAIYE,
KHUD KO BINE ZIYAD(LANATULLAH) KE SHAR SE BACHAIYE,
MUKHTAR BOLE SATHIYO AB JAO SHUKRIYA,
MAQSAD JO THA HAMARA WAHI FAUT HO GAYA,
ROTE HUE TAMAM SIPAHI CHALE GAYE,
MAYUS HO KE ISHQ KE RAHI CHALE GAYE


5. MUKHTAR NE SALAH-E-JADAL DOOR KAR DIYA,
TAY YOON KIYA AKELE HI KOOFE KA RASTA,
KOOFE ME JAB GAYE TO MUNADI YAHI SUNI,
AYEGA KALE JHANDE TALE JO BHI ADMI,
RAKHEGI BAS USI KO HUKUMAT AMAAN ME,
WARNA WO RAH NA PAYEGA ZINDA JAHAN ME,
KATRAYEGA JO ANE SE WO MARA JAYEGA,
MAHFUZ WO RAHEGA JO SAYE ME AYEGA


6. MUKHTAR HIKMATO KE TAYEE BAD KE AA GAYE,
IS TARAH QATAL HONE SE KHUD KO BACHA GAYE,
DARBAR ME JO PAHOCHE WO IBNE ZIYAD KE,
IBNE ZIYAD UNSE BHARA THA INAAD SE,
LEKIN WO QATL KAR NA SAKA JAB AMAAN THI,
PHIR BHI BINE ZIYAD KI JHUTHI ZABAAN THI,
IBNE ZIYAD KAHNE LAGA TAISH ME BURA,
MUKHTAR KO BHI GHAIZ BURAI PA AA GAYA


7. MUKHTAR NE GHAZAB ME JO MALOON KAH DIAY,
IBNE ZIYAD GUSSE KE MARE BIDAK PADA,
USNE UTHA KE MARI QALAMDAAN SE DAWAAT,
MUKHTAR ZAKHM KHA KE BADE KATNE KO HAATH,
FAURAN HI EK SHAKHS SE TALWAR CHEEN LI,
IBNE ZIYAD AISE TALA JAISE CHIPKALI,
DARBARIYO NE BADH KE JO ROKA DILER KO,
IBNE ZIYAD PALTA KIYA QAID SHER KO


8. IBNE ZIYAD QATL PA AMAADA JAB HUA,
DARBARIYO NE ROK LIYA DE KE MASHWIRA,
ABDULLAH AUR RISHTA JO THA IBNE SAAD SE,
MUKHTAR QATL TO NA HUE QAID HO GAYE,
MUKHTAR QAIDKHANA-E-IBNE ZIYAD ME,
HAR WAQT DOOBEY RAHTE THE AQAA KI YAAD ME,
YE SOCHTE THE AYEGE KOOFE ME AB IMAM,
HOGA BINE ZIYAD KA QISSA BHI BAS TAMAM,


9. AZAAD MUJHKO QAID SE KARWAYENGE HUSAIN a.s.,
NUSRAT KARUNGA UNKI TO MUJHKO MILEGA CHAIN,
BADLA MAI LUNGA MUSLIM-O-HANI SHAHEED KA,
KATUNGA APNE HAATHO SE MAI SAR YAZEED KA,
UNKO KHABAR NAHI THI JO SARWER KA HAAL THA,
DASHT-E-BALA ME FATEMA ZAHARA s.a. KA LAAL THA,
KOOFE ME JAB NA AYA DULARA BATOOL KA,
MAYOOS MUNTAZIR THA BAHOT DIL MALOOL THA


10. MUKHTAR KARTE RAHTE THE AQAA KA INTEZAR,
SAR PIT TE THE QAID ME HO HO KE BEQARAR,
KAHTE THE KAASH QAID NA HOTA JO IS GHADI,
DETA ALI a.s. KE LAAL KI KHIDMAT ME HAZIRI,
MUKHTAR QAID HI ME MUQAYYAD RAHE IDHAR,
US SIMT KARBALA ME LUTA SAYYADA s.a. KA GHAR,
DARBAR-E-KOOFA AYE JO HOKAR HARAM ASEER,
IBNE ZIYAD AUR ZIYADA BANA SHAREER,


11. MUKHTAR KO BULA KE DIKHAYA SARE HUSAIN a.s.,
US DUM KIYE THE TOOT KE ZANJEER NE BHI BAIN,
MITTI KI TARAH LOHEY KI ZANJEER TODKAR,
MUKHTAR BAS JHAPAT PADE IBNE ZIYAD PAR,
KANO ME AYI ABID-E-BIMAR KI SADA,
MUKHTAR THARO SABR KARO MARD-E-BAWAFA
TALWAR ABHI UTHANA MUNASIB NAHI YAHA,
HAIN APNE SATH ME JO RASAN BASTA BIBIYAN,


12. JARI HAI IMTEHAN SABHI HAIN BARAHNA SAR,
MUKHTAR IS TARAF UTHANA NA TUM NAZAR,
MUKHTAR BOLE NAAM NA APNA CHUPAIYE,
DIL PHAT RAHA HAI APNA TAARRUF KARAIYE,
BOLE IMAM MAI BHI TUMHARA IMAM HOON,
MAI DILBAR-E-HUSAIN ALAIHISSALAM HOON
MUKHTAR MIL KE AISE ME CHAUTHE IMAM SE,
KAHTE THE RO KE GHAIZ ME BHI EHTRAM SE,


13. MAULA ABHI UTHAYA HAI IS DIL PA JITNA BAR,
MARTA HAZAR BAR TO HOTA NA ITNA BAR,
MAJBOOR DEKHA JAISE HI IBNE ZIYAD NE,
KARWAYA QAID WAISE HI IBNE ZIYAD NE,
ZANJEEREY AUR KAS DI GAYI KARTE KYA DIFAA,
MUKHTAR QAID KHANE KI JANIB HUE RIHA
PHIR QAFILA TO SHAM KI JANIB HUA RAWAA,
SAHTE THE QAIDKHANE KI MUKHTAR SAKHTIYAAN


#MUKHTARNAMA
#MUKHTAR
#MOKHTARNAMEH
#مختارنامہ