Скачать или смотреть Tini-mundia Deula II Vaitala Deula II ବୈତାଳ ଦେଉଳ II ତିନିମୁଣ୍ଡିଆ ଦେଉଳ ॥ Odisha Bulabuli

ବୈତାଳ ମନ୍ଦିର ଏକାମ୍ର କ୍ଷେତ୍ରର ଏକ ସ୍ଵତନ୍ତ୍ର ଦେବୀ ପୀଠ । ପୁରୁଣା ଭୁବନେଶ୍ବରରେ ଥିବା ଏହି ଅଷ୍ଟମ ଶତକର ମନ୍ଦିର କଳିଙ୍ଗ ସ୍ଥାପତ୍ୟକଳାର ଖାଖରା ଶୈଳୀରେ ନିର୍ମିତ । ଦେବୀ ଦୂର୍ଗାଙ୍କ ଏକ ରୂପ ଚାମୁଣ୍ଡା । ଏହି ତାନ୍ତ୍ରିକ ପୀଠର ଅଧିଷ୍ଠାତ୍ରୀ ଦେବୀ ଏବଂ ସ୍ଥାନୀୟ ଦେବୀ କାପାଳିନୀ ଭାବରେ ପରିଚିତ ।

ଦକ୍ଷିଣ ଭାରତୀୟ ଗୋପୁରମ ଭଳି ଦେଖା ଯାଉଥିବା ଏହି ମନ୍ଦିର ଖାକରା ଶୈଳୀରେ ନିର୍ମିତ ଏବଂ ତିନିମୁଣ୍ଡିଆ ମନ୍ଦିର ଭାବେ ଖ୍ୟାତ । ଏକ ବିଶ୍ବାସ ଅନୁଯାୟୀ ଏହି ମନ୍ଦିରଟି ବୋଇତାଳୁ ବା କଖାରୁ ଭଳି ଦେଖାଯାଉଥିବାରୁ ଏହି ଭଳି ନାମକରଣ ରହିଛି ।

ଅନ୍ୟ ଏକ ବିଶ୍ବାସ ଅନୁଯାୟୀ ମନ୍ଦିର ଶିଖରେ ତିନିଗୋଟି ମୁଣ୍ଡି ବା ଚୂଳ ଥିବାରୁ ଏହାକୁ ତିନିମୁଣ୍ଡିଆ ଦେଉଳ ଭାବେ ସାଧାରଣ ଲୋକେ ଡାକିଥାଆନ୍ତି । ତେବେ ପୂଜକମାନଙ୍କ ବିଶ୍ବାସ ଅନୁଯାୟୀ ମନ୍ଦିରର ନାମ ତନ୍ତ୍ର ପୂଜା ପଦ୍ଧତି ସହ ସଂଶ୍ଳିଷ୍ଟ ବେତାଳ ନାମ ଅନୁଯାୟୀ ବୈତାଳ ଦେଉଳ ରଖାଯାଇଛି । ଲୋକମତ ଅନୁସାରେ ଏହି ତିନିଗୋଟି ମୁଣ୍ଡି ଚାମୁଣ୍ଡା ଦେବୀଙ୍କ ତିନିଗୋଟି ଶକ୍ତି - ମହାସରସ୍ୱତୀ, ମହାଲକ୍ଷ୍ମୀ ଓ ମହାକାଳୀଙ୍କ ଉଦ୍ଦେଶ୍ୟରେ ରହିଛି ।

ଏହି ମନ୍ଦିରରେ ସୂର୍ଯ୍ୟ, ନଟରାଜ, ଗଣେଶ, ଲକୁଲିଶ ଏବଂ ମହିଷା-ମର୍ଦ୍ଧିନୀଙ୍କ ମୂର୍ତ୍ତି ଓ ଖୋଦେଇ ଭାସ୍କର୍ଯ୍ୟ ଶୋଭା ପାଉଛି । ବୈତାଳ ଦେଉଳର ବାହାର କାନ୍ଥରେ ଶିବ, ଶକ୍ତି ରୂପରେ ପାର୍ବତୀ, ନାନାଦି ଶିକାର ଅଭିଯାନ, ବଣୁଆ ହାତୀ ଧରା ଓ ରତିକ୍ରୀଡାସକ୍ତ ଯୁଗଳ ଦମ୍ପତିଙ୍କ ମୂର୍ତ୍ତିମାନ ଦେଖିବାକୁ ମିଳିଥାଏ । ଏହି ଦେଉଳର ତାନ୍ତ୍ରିକ ଔପାସନର ପ୍ରମାଣ ଏହାର ଜଗମୋହନସ୍ଥ ବଳିପୀଠ ହରିକାଠ ବା ଯୁପସ୍ତମ୍ଭରୁ ଜାଣିହୁଏ । ଏହି ପ୍ରାଙ୍ଗଣରେ ଅବସ୍ଥିତ ଶିଶିରେଶ୍ଵର ମନ୍ଦିରର ଲଲିତଗିରି ସ୍ଥିତ ବୌଦ୍ଧ ମଠ ସହିତ ଅନେକ ସାମଞ୍ଜସ୍ୟ ରହିଛି ।

Map -

Like us on Facebook:   / odishabulabuli  
Follow us on Twitter:   / odishabulabuli  
Instagram:   / odishabulabuli  

#VaitalaDeula #OdishaBulabuli #ଓଡ଼ିଶାବୁଲାବୁଲି