حماي الجهام | جفران بن هضبان | كلمات ضيف الله السميري & سعدون الزراقي 2024

للتواصل والاستفسارات :
الحسابات الرسمية
​
‏Official WhatsApp :
https://api.whatsapp.com/send?phone=5...

-

بانت خيوط الصبح والشاهين حام
يفري مراديم السحايب بنحره

تزمي جناحينه على روس الغمام
اليا غدا للقاع عجه وغبره

فـ اطراف صدره دق من ريش الحمام
وتقول بالحنا محنين ظهره

ماعكرت جوه خفافيش الظلام
اللي تشوف الشمس كبر البنجره

واللي سواته في حياته مايضام
يدور اللي يرفع الراس دوره

من يحسب الشعار بياعت كلام
يمره الابداع ماجاب خبره

العبقري لو مايجيه الاتهام
مابينه وبين الجنون الا شعره

يسهر على الابداع والعالم نيام
واليا صحو شافو محاصيل سهره

يورّد الهاوي على حوض الهيام
ويوصّل الغاوي لباب المقبره

وان ضيقت باله طواريق الغرام
ماضاق فيه الكون بره وبحره

ضيف الله السميري
—————————————

الشاعر الواثق على افضل مايرام
ماهو بفي حاجة قناه وجمهره

يوقّف الدنيا على راس البهام
ويفرّها امن بهامه ليا خنصره

اليا اعتزاء بالاسم حماي الجهام
تصغ الاذاني لاعتلى في منبره

والله ياسلطان وعليه بالحرام
ماقول غير ابشر ماقول المعذره

يابن شهد وانت الذخيره والحزام
حزامنا اللي للمواقف نذخره

تجري حميا راسك فصمّ العظام
والطيب في راسك ماهو فالمبخره

ويمينك اللي فالمهمات الجسام
لاكلّحت بقعى وجات مكشّره

ماجد عريب الجد مرفوع المقام
صميدعً يقدح طناخه ونعره

امجادكم وافعالكم ذروة سنام
يوم ان ولد اللاش مافيه ثمره

عيال شيخً يالعلّه للرحام
ابن ختيم ساس طيب ومفخره

راع المويسه جعل قبره كل عام
يرخي عليه المزن ويهل مطره

من عزوتً تفرق جميع عن الانام
اخذ الكلام المعتبر من مصدره

عزوة ذوي زراق من قبل الامام
زبن الدخيل الاسم والفعل مهره

افعالنا في حرب ولا في سلام
مهيمنين وفارضين السيطره

المحترم يفرض علينا الاحترام
والخصم لاجينا لعنّا كوثره

سعدون الزراقي