ماجد العازمي 2018 || شيلة تل قلبي || كلمات الشاعر محمد بن هضيب

ماجد العازمي – شيلة تل قلبي
كلمات الشاعر محمد بن هضيب
•
تل قلبي تلة اللي سرح قبل الصلاه
حاذفً عن راسه اشماغه وطاقيته

مشغلً قلبه من الهم شيً مايباه
ويوم جاء ذوده ليطيب حلاله ميته

يدري ان ماتل قلبه ومابيح خفاه
غير وجهً كل ساعه يدير رعيته

من حسده وقو عينه مذكيها ذكاه
واحدً ماودك الطيبه في نحيته

مثلها ياتل قلبي من الوقت وعناه
من ظروفً تخلف الرجل عن شخصيته

من يحسب ان الليالي فرح عمر وغناه
المصايب في بطون الليال مبيته

الليالي علمتني من دروس الحياه
والزمان اللي كواني مجوّد كيته

وان لمحت اوجيه الاصحاب ووجيه العداه
كل وجهه يمرني بينه ماريته

اعرف الوجهه المزيف وعرف اللي وراه
ماتطول نية اللي خبيثه نيته

ليتني يوم ارمي الصوت مايرجع صداه
وليتني لاراح غالي ماعد لجيته

مير انا لي قلب ماهوب حيدً من صفاه
صدت الغالين تثر على نفسيته

ولا تهادى الى ليا جيت لي ف ارلاضً فلاه
ان سهجت الجيب ولا جلست ابفيته

عن ضجيج الناس كني مبشر بالنجاه
ولذةً يشعر بها اللي حرم حريته
•
اشترك في قناة " ماجد العازمى " الرسمية :
https://goo.gl/zmEMaQ
----------------
Official Twitter:   / maaged9  
Official Instagram:   / mg_azmi  
Follow on Google+: https://google.com/+MajedAlAzmi
Official Facebook:   / majed.al3azmi  
Subscribe on YouTube:    / majedalazmi  

Produced by © 2018 Alwen Al Taif R.of.Y
   / alwanaltaifofficial  
-