Скачать или смотреть زمان العجايب ما بقي شي ما يخفيه | كلمات : خالد بن محراك | اداء : نايف العطاوي

يقولون وش حدك على الليل يا ساريه
وانا اقول ضيق الصدر والهم يحداني

علي الحرام ان الصدر فيه ما يكفيه
أعيش التوّحد لوّ ماني ب وحداني

زمان العجايب ما بقي شيّ ما يخفيه
يحاول يجيب اقصاي وينطّق لساني

بلاني الحزن من فقد غالي عجزت ارثيه
ولا عد يونسني سوى نظم قيفاني

اذا سقتها في مدح مطنوخ مدري ليه
تبدل شعوري للفرح عقب الاحزاني

يا عبد العزيز الحفل يزهاك يا راعيه
ضيوف الحفل جو قدرك وقدر الاخواني

هلا مرحبا ترحيبةٍ كنّها التنبيه
هلا مرحبا ب الضيف والجار و العاني

ارحب ب اسم لحيان واللوم ما نبغيه
انا عند لحيان المطاليق لحياني

---

لاحت بروق الخيرر والساري سرى
واللحن يبغى له قصيد يجمله

في محفلاً جاله مشايخ واومرا
ضيوف و اعيان و عزاز المنزله

محفل عيال محيل شرق ام القرى
فيه الدسامه والكرامه و الصله

والدهم الله يرحمه تحت الثرا
لكن فعله حي ماحد يجهله

محيل كان اسمه وتاريخه ذرا
انصاه في كل المواقف و ازهله

واولاده الوافين مافيهم زرا
اهل الحميه والشرف والمرجله

رجال وقفتهم مثل طلعة كرا
فيهم شهامه والفعول مجمله

عبدالعزيز افعاله ترد البرا
راعي الجمايل واليمين الطايله

في حزة الزحمات ما يرجع ورا
ولا تخوّفه الظروف المايله

عبدالعزيز يظّري اللي ما ضرا
خيّال والعلم المجمل منهله

ما يعسف الا الجامحات الندرا
والخيل يبغى له شجيع يخيّله

خذت النسب من عند رجل مقدرا
الطيب طيبه والكرامه مدهله

ياسر سويلم يدري اللي ما درا
الجود طبعه والبخل ما يقبله

وختامها صلو على هادي البرا
محمد المبعوث عالي المنزله