Çinlilər DİZ AĞRISININ Çarəsini Tapıb - Oynaqlarda Maye Azalıbsa, Bunu Edin!

#BirBax #xalqtəbabəti #diz
#oynaq #sümük #sağlamlıq

Dizdə maye azalması nədir?
Dizlərinizdə ağrı, hərəkət etməkdə çətinlik, oynaq narahatlıqları yaşayırsınızsa, dizdəki mayenin azalmasından şübhələnə bilərsiniz. Dizdə maye itirilməsi diz oynağındakı sinovial mayenin azalması halıdır. Bu maye oynaqlarının bir-birinə sürtünməsi zamanı xəsarəti əngəlləyən bir maddədir. Daha çox qocalma, yaralanmalar, bəzi oynaq xəstəlikləri zamanı orataya çıxsa da, gənc adamlarda da yarana bilir. Bəs dizdə maye itirilməsinin bitki mənşəli müalicəsi varmı? Videomuza sona kimi baxsanız, bu haqda danışacam.

Dizdə maye azalması və ya tükənməsi o deməkdir ki, dizdəki mayenin tərkibi dəyişir, yaxud mayenin tədricən itirilməsi baş verir. Oynaq mayesi şəffaf və həlimvari maddədir. Skelet sistemindəki qığırdaqların qidalanmasında olduqca önəmlidir. Məhz buna görə, dizdə maye itirilməsi oynaq səthlərinin sürtünməsini intensivləşdirir, qığırdaq toxumasının xəsarət almasına, insanın rahat hərəkət etməməsinə səbəb olur. Oynaqlar arasındakı mayenin əsas birləşməsi hialuron turşusudur. Bu turşu oynağın dözümlülüyünü, elastikliyini yüksəldir.

Dizdə maye azalmasının səbəbi nələrdir?

Səbəb siyahısında ilk sırada insanın çəkisi, yaşı, orqanizminin genetik quruluşu, qidalanma vərdişi gəlir. Bunları ümumi nəzərə alaraq bir qənaətə gəlirik: dizdəki maye azalmasını yaradan ən əsas faktor həyat tərzidir. Az hərəkətli yaşam tərzi, yaxud oynaqları həddindən artıq yormaq da dizdə maye itirilməsinin səbəblərindəndir. Cavan yaşda dizdə maye itirilməsini yaradan faktorlar bunlardır: bədənin az dincəlməsi, qəfil hərəkətlər və ağır idman məşqləri.

50 yaşdan sonra insanlarda dizdə maye itirilməsi keyfiyyətsiz həyat şərtlərindən qaynaqlanır. Gücsüzləşən, lazımi qədər dincəlməyən və qidalanmayan oynaqlar deformasiyaya uğramağa hazır olur. Oynaq gücsüzlüyü özüylə bərabər nahiyənin uzunmüddətli xəsarətinə zəmin hazırlayır, sonda da dizdə maye itirilməsi baş verir.

Yaşla əlaqədar olan vəziyyətlərdən osteoartrit (əhənglənmə) də dizdə maye itirilməsinin əsas səbəblərindəndir. Kalisum çatışmazlığı, damar xəstəlikləri, travmatik durumlar və lazımi qədər su içməmək kimi faktorlar da dizdə maye itirilməsinin səbəbləri sayılır. Ardıcıllığı belə sıralayaq:

-yaşlılıq;

-köklük;

-genetik faktor;

-qidalanma vərdişi və həyat tərzi;

-zədələnmələr və travmalar;

-hərəkətsizlik;

-həddən artıq hərəkət, ağır idman məşqləri;

-dizdə əhəngləmə;

-kalsium çatışmazlığı;

-damar xəstəlikləri;

-lazımi qədər su içilməməsi;

Düzdür, dizdə maye itirilməsi hər yaşda insanda görünür, lakin daha çox oynaqlarını həddən artıq işlədən, yaxud uzun müddət hərəkətsiz qalan insanlarda əmələ gəlir. Metabolik xəstəlikləri, diabet kimi problemləri olan insanlarda hüceyrələrin yenilənmə sürəti aşağı düşür, nəticədə, sinovial maye lazımi qədər istehsal olunmur. Bundan əlavə, artıq çəkiyə malik olan insanların bir qismində də ağırlıq səbəbilə oynaq xəsarəti, dizdə maye itirilməsi halları meydana gəlir.

Dizdə maye itirilməsinin əlamətləri
Ən bariz əlamət oynaqların hərəkəti zamanı ağrı və nahiyədə yaranan şişlikdir. Xüsusilə, səhər saatlarında dizdə tutulmalar yaşanması sinovial mayenin azalmasından xəbər verir. Dizdə maye itirilməsinin əlamətləri bunlardır:

Hərəkət sonrasında dizdə şiddətli ağrı və şişkinlik;

Səhər saatlarında meydana gələn diz tutulmaları;

Oturub-qalxarkən dizdə eşidilən səslər;

Şiddətli ağrılarla birlikdə hərəkət etməkdə çətinlik;

Pilləkən çıxarkən, yoxuş dırmanarkən, qaçarkən, dizi bükərkən çətinlik çəkmək;

Xəsarət görən oynaq bölgəsində yanlış yerdə yığılan sinovial maddə səbəbiylə yaranan ödəm;

Dizdə maye itirilməsi necə müalicə olunur?

Dizdə mayenin itməsinə səbəb olan faktor aşkarlanmalıdır. Bunun üçün mütəxəssisə vaxtında müraciət etməlisiniz. Dizdə maye azalmasının qarşısını almaq üçün tətbiq edilən müalicə üsulları bunlardır:

Spesifik təlimlər. Fizioterapiya mütəxəssis nəzarəti altında həyata keçirilməlidir. Bu sayədə oynaqlar aktivləşəcək, nahiyədə hüceyrə yenilənməsi sürətlənəcək;

Pəhriz və vitamin qəbulu. Bəzən insanlar artıq çəkidən xilas olmaq üçün proteinlə zəngin qidaları, karbohidratları, doymuş yağa malik qidaları rasionlarından çıxarırlar. Əksər insanlar isə vitaminləri reseptsiz, həkim məsləhəti olmadan qəbul edirlər. Hər iki halda da dizdə maye azalması baş verə bilir. Buna görə də, pəhriz dietoloq nəzarətində tətbiq edilməlidir. Metabolizmanı sürətləndirən və ya elektrolit balansını qoruyan kalium, maqneizum, kalsium kimi mineralları özbaşına içmək olmaz; mütləq həkim məsləhəti olmalı, dozanı həkim təyin etməlidir. D3 vitamini isə oynaqların sağlamlığı üçün ən vacib elementlərdəndir;

Dərmanlar. Ağrıları azaltmaq üçün ağrıkəsicilər və ya iltihabı qurudan dərmanlar köməyə çatır. Əgər xəstəlik uzun müddətdir ki, başlayıbsa, infeksiyaların olması ehtimalı böyükdür. Bu zaman da antibiotiklərə üz tutula bilər;