Mahal na Araw sa Bayan ng Binangonan

Walang ibang araw sa buong taon na tinatawag ang mga Pilipino na "mahal" kundi ang sanlinggong kinapapalooban ng mga araw ng paggunita sa pagpapakasakit, pagkamatay at muling pagkabuhay ng Panginoong Hesukristo.Malayang pinagpapalit ng mga Pilipino ang mga salitang banal at mahal dahil para sa kanila, hindi magkaiba ang kahulugan ng dalawa: "mahal ang banal, banal ang mahal." Lubhang napakabanal at napakamahal ng panahong ito sapagkat tuwing Mahal na Araw, ipinagdiriwang ng Simbahan ang mga misteryo ng kaligtasang tinamo ni Kristo noong mga huling araw ng kanyang buhay dito sa lupa, mula sa kanyang matagumpay na pagpasok sa Jerusalem. Ang pinakaubod ng sanlinggong ito ay ang Triduo ng Pasko ng pagpapakasakit, pagkamatay at muling pagkabuhay ni Kristo, na "nagniningning sa pagiging tugatog ng buong taon ng liturhiya," bilang pagsariwa sa Misteryo ng Pasko ng Pagkamatay-at-Pagkabuhay ni Kristo na siyang pinakapuso ng pananampalatayang Kristiyano.

Mula aklat na "Prusisyon:Paghahanda at Pagdiriwang" ni G. Michael delos Reyes (p. 5)