Скачать или смотреть [LPBT] BAC 21 : INTRO - حديث الكبارات

سكرت بحبّك ما صحيت
و شكون العاشق لي يصحى
حلفت على هواك ما نحيد
عيني شايفة فيك جنّة
و كي نغمّض نفس العين
ندخل بانغامك في نوبة
ضرير كان نبعد عليك
صدق لي قال بورقْيبة عينيّا

lycée تاريخو خشين
تفوح حيوطو بشذى الأمجاد
و كان الحيوط تحكي
تقول carnot pillier في البلاد
صبوة تولع بحديث
حديث كبارات حديث اجداد
podiumi ما نراتي
لجال لونو الغالي يلّا لولاد
________________________

صوتنا ما يعلى فوقو صوت
حتّى ف كفني مكمّل الاقوال
خالدة فينا حتّى للموت
وشمة تتوارث بين الاجيال
خوذ و صون و حيّي و عدّي
mémoire اساسها XIXemeال
القمّة مرشوم فيها وسامك
سبقنا و فرقنا مئات الاعوام

avanti يا رجال العاصمة
يشهد بينا تاريخ عظيم
anti جبورة anti هدرة
بعاد و ما يعنينا الثّاني
ارفع الاعلام علّي الرّاية
21 ليوم زادمين
شافوا لطريقي نهاية
في عيني طويل à l'infini
________________________

كبرت و جميلك و ما نسيت
و شكون المغروم لي ينسى
ورثتك و عليك وصّيت
تكون بيد لي خلفني امانة
و كي نهدي كلامي ليك
نهرب بانغامك مالواقع
à jamais على عهدي
و اش يسوى الغرام اذا يوفى

lycée لولادو فنار
منارة تضوّي ف زينة الايّام
و كان تنطق الاسوار
تجسّد لي ما قدر يوصفو كلام
ريق ما تطفالو نار
واهجة تقْدح بغرام الاعوام
سفينة احتلّت الابحار
رايتها ترفرف فوق الاعلام
________________________

طايرة سارحة بينات نجومو
نقشة رسمتهالو عينيه
يبوحلها بفرحاتو و همومو
زينة ايّامو و لياليه
يهيج يلنصي signal غرامو
تتعبّى الكور و الشّيخة تزيد
تبان شرارة تضوّي في ضلامو
تقْودو لمنام منّو ما يفيق

MERCI لكلّ جدودنا البادين
بيهم هوما الشّعلة ضوات
MERCI لكلّ ولادنا الخاتمين
بصمة في قلوبهم ما تمحات
كي عوايدنا lauréat قادمين
خُمسة في عيون كلّ الحاسدين
Te renderemo orgoglioso
يحيينا العالي لعصر جديد.